Hringnun Chau Taka A Din Hnuah Selena Gomez A Rawn Kir Leh Ta

0
1256

Zaithiam, Selena Gomez chu thla 4 dawn lai Social Media a chawlh hnu ah a kir ve leh ta a, a chawlh vang vang hnua a thil rawn Post hmasak ber chuan Fans tam tak rilru leh thinlung a khawih hle.

Kan hriat theuh angin kum 26 a upa “Taki Taki” singer hian rilru lam ah te damlohna a neih vang te in damdawi in a lut chhuak fo a, white blood cell a tla chham hle tih hriat a ni bawk. A han in enkawl dam chhoh deuh tak hnu hian nimin lam atang khan Social Media ah hian a Fans te hmachhawn turin a Instagram chu a rawn keu kau tan ve leh ta a ni.

Kum 2018 September thla khan Social Media ah hian chawlh a lak thu a puang a, a chhan pawh a chhiatna tur ngawr ngawr zawnga Comment an awm thin vang te niin a sawi a, Negative Comment pakhat chuan mi rilru a tih nat theih thu te pawh sawi hial in Instagram hi a chawl.

Hun eng emaw ti chen Instagram ah hian ro rel in zuitu ngah ber dinhmun te hial a hauh tawh a, mahsela Cristiano Ronaldo chuan a lal thutthleng a tang chuan a lo nawrchhuak. Gomez hi Instagram a a Active loh lutuk vang te hian Followers lam ah a tlachhe ve deuh te pawh a ni thei ang.

A kir leh hnua a Post hmasa ber ah hian Black & White thlalak pathum a tarchhuak a. Kum 2018 a a nun a lo sual chhoh dan leh hun harsa tak a paltlang na te, thil awlsam a nih loh thu a sawi te chuan a Fans tam tak te rilru leh thinlung a hneh hle bawk.

Kum 2019 herchhuak chu a fans te hnen ah New Year Wish a hlan a,hun chhe ber a tawn lai pawh in atana an awm tlat vangin a lawm hle. ‘proud of the person she is ‘becoming’ tiin a sawi a, hnunglam hawi kir lovin hma lam a pan dawn thu a fans te chu a hrilh a ni.

DM

LEAVE A REPLY

Please enter your comment!
Please enter your name here