Hringtu Pa’n Thisen Chhuak Khawpa A Sawisak Hnuin School A Kal Tir Zui

0
1172

He mipa naupang hmutu apiangin a pa chunga an thinurna chu an chhakchhuak nasa hle. A fapa a sawisakna thisen pawh a hrukfai sak duh miah lo va tichung hian school a kal tir zui a ni. Nu leh pa te hian kan fate enkawl kawngah zir tur tam tak kan nei. Fate hi Lalpa laka kan rochan ro tak an nih avangin duat tak leh thinnel taka kan enkawl a tul hle. Pathian duh loh zawng thil tam tak kan ti fo va, kan thil sual tih angin Pathianin min thungrul ngai lo ang hian kan fate’n thil sual an tih apianga vuak leh velh nghal tur a ni bik lo.

Papua New Cuinea, Port Moresby a mipa naupang kum 11 mi chu a mah hringtu a pa in hmawlh nen a vuaa a kein a pek bawka a lu atang thisen tam tak a chhuak. Hetichung hian a fapa chu school a kal tir. Zirtirtu Miss-Marie in a lo hmuh chuan thil awm dan a zawt nghala a pa sawisak anih thu a sawi. Miss-Marie chuan a nu a call-a a nu hi hnathawkin hmundang a lo chhuak hman. Mahse, a hnathawhna atang chuan a rawn kal. Miss-Marie hian i fapa hi hospital ah kalpui la, chuan i pasal hi police hnenah report bawk rawh” tiin a nu chu a lo hrilh. Hringtu nu hian a pasal hi police hnenah a report ngam lo. Report in police in man pawh ni se, a rawn chhuah leh hunah min sawisa hrep dawn. Tin, ka fapa hi hospital ah kalpuita ila, police hovin thil awm dan min zawt anga ka pasal hi an man dawn a ni. Chuvangin hospital ah ka kalpui lo mai ang. In lamah ka theih tawpin ka tuamhlawm zawk ang e” a ti.

He mipa naupang hi a pain a sawisak chhan an ziak lo naa thil ho te vangin a sawisa thin a ni. A nupui ngei pawh a thinrim deuh hlep chuan kut a thlak thin bawk. Hei vang hian a nupui pawhin a hlau hlea police man tir pawh ni ila, a rawn chhuak leh mai dawna chutih hunah min sawisa leh dawn a ni” a ti. Miss-Marie chuan he mite chhungkaw chunga thil thleng hi pawi atih thu a sawi. Christian chhungkua an ni’a mahse, a hminga Christian mai an ti” a ti. Hliam na lutuk ni lo mahse thisen tam tak chhuak chunga school a kal tir thei hi Teachers te chuan mak an tiin a pa hi an dem nasa hle.

Ref: Marie

LEAVE A REPLY

Please enter your comment!
Please enter your name here