In Sangtu Ih Duh Dan In Thuamhnaw Ka Hru : Tin Zar Wint Kyaw

0
816

Yangon ramțhen N. Okkala peng ih mitkharh dawr thar United Vision Optics & Eyecare Center opening ceremony tuahnak ah Myanmar lemcang thiam Tin Zar Wint Kyaw cun ka thuamhnaw hruk dan hi in sangtu pawlih duh dan a si tiah simnak a nei.

United Vision Optics & Eyecare Center opening ceremony cu January 20 zinglam suimilam 10 ah an tuah ih Myanmar lengcang thiam pawl an sawm.

Lemcang thiam Tin Zar Wint Kyaw cun Act minung cun ziangvek thuamhnaw a hruk khalle khuitawk hmun ah ziangmi thuamhnaw ka hru ding ti ruahnak neitu cun an theithiam tiih a sim hnuah atu bangtuk ih ka thuamhnaw hruk hi puai in sawmtu ih duh dan in ka hru tiah simnak a nei.

Tin Zar Wint Kyaw hi thuamhnaw thawn pehpar in tuletu soiseltu an um ih zum lo pi in Sexy zetin thuamhnaw a hruk ruangah mipi ih zoh cuahco mi khal a si. Amai thuamhnaw hruk bangin Myanmar ram nunau pawl in an hruk ahcun nulepa ih kawh an tuar ding ti khal a sim tel.

“Nan duh dandan in rel ko uh, kei khal ka hnațuan a remcang, in sangtu pawl khal an remcang a si ahcun ziangvek dinhmun khalin ka diriam, minung hmuahhmuah in thluak kan nei, ruah thiam theinak kan nei, tui caan ah ziangmi ka hru ding timi cu kan zaten kan thei ko sisi,

kei in hi bangin thuamhnaw ka hruk ruangah mitin in ka hruk vekin hmuntinkim ah hru haisehla an nulepa in an sim ko ding, kei cu Sexy lam in in sang ih ka hnațuan a si ruangah hi bangin thuamhnaw ka hru, curuangah mi dang in Tin Zar Wint Kyaw hruk vekin hmuntinkim ah an hru a si ahcun anmah le dinhmun ciar ah a țhum (pehpar) aw” tiah a sim.

Ref: AKT, United Vision pages

 

LEAVE A REPLY

Please enter your comment!
Please enter your name here