Indonesia A Tsunami Vangin Local Band Concert Ten Chhiatna Rapthlak An Tawk (Video)

0
1011

A Video ngeia en phei chuan a rapthlak in a tuar tu te hi an khawngaihthlak tak zet zet hlawm a ni.

Indonesia ramah Sunda Strait chu Tsunami in nuaiin chhiatna nasa tak an tawk mek a, tlangkang vanga Tsunami hi insiam nia sawi a ni.

He Tsunami in nuai a Video an lo lakfuh pakhat ah chuan Band Concert nei te chu a rik rap a, an Video rapthlak hi a darh chak. Heng Band te hi “Seventeen” te an ni a, Tanjung Lesong Resort a an pungkhawn chu Tsunami hian a rawn bei thut. Concert neihna bul hi Beach zawn a ni a, chutia hlim taka zai vawr a an Concert lai chuan thawk leh khat ah Stage hnunglam atang a rawn tleh huk.

Warning engmah a awm loh avang in tih ngaihna reng a awm lo. Band Member leh mipui tam tak te chu an rak nasa chel chul hlawm mai. Inrinni zana thleng kha a ni.

“Seventeen” Band a an frontman Riefian Fajarsyah chuan Instagram ah Tsunami vanga chhiatna an tawh ah hian an bassist leh road manager te chu an boral thu a sawi a, a nupui Actress, Dylan Sahara chu chin hriat lohin a bo.

Chhiatna thleng vanga nunna chan tawh zawng zawng hi 168 an ni tih nem ngheh a ni tawh a, hliam zat hi 745 hriat theih chin a nih rih thu thenews chuan a tarlang bawk.

Tsunami in rapthlak taka Concert a beihna Video Clip chu

RF & The News

LEAVE A REPLY

Please enter your comment!
Please enter your name here