Indonisia ramah lir nghing, mi tak tak thiin tam takin hliam tuar

0
413

Indonisia ram Lumbouk (?) thliarkara chawlh hmanna hmun pakhatah Pathianni khan richter scale 7 a nain lir a nghing a, mi 91 aia tlem lovin nunna an chân a, mi sang tel chu hmun him lama thiar chhuah an ni.

Chênna in tam tak a tihchhiat bakah tam takin hliam na tak an tuar a, thi zat hi a pûn chhoh zel rin a ni.

Mitthi zingah hian in chimin a delh hlum an tam ber a ni. Meter khat vela sangin tui fawn a siam a, Tsunami laka inring tura thuchhuah siam ni mah se, eng êm a thleng lo hlauh.

July 29 pawh khan richter scale 6.4 a nain a lo nghing tawh a, mi 17 thiin, hliam tuar tam tak an awm bawk. Vawi tam tak a nghing a, a bul hnai a Bali thliarkar thleng a nghing a ni.

“Tlai lama thil thleng a ni a, inbiak pawhna a chhe nual bawk. Thi zat hi a pun belh ngei a rinawm,’ tiin țanpuitu pawl zinga mi pakhat chuan a sawi.

Pathianni khan he thliarkar lei hnuai mel ruka thuk ațanga bul țanin a nghing a, chu chuan inbiak pawhnaa tichhe nual a, tun țuma a nghing hi an inralrin hman loh niin agency pakhat chuan a sawi.

Indonisia ramah hian kum 2004 khan richter scale 9.1 a nain Sumatra thliarkarah a nghing vak a, ram dang khual zin mite nen mihring 230000 velin an boral phah tawh a nih kha.

LEAVE A REPLY

Please enter your comment!
Please enter your name here