iPhone/iPad Hmangtupawl hrang Chin Keyboard (Ṭ ṭ)

0
851

Kan Chin Ca ngan tikih lo theihlo ih tel ringring, kan ṭul mamawh bikmi Ṭ ṭ (T tawcuk) cu Android device hmangpawl hrang le Microsoft Windows Computer hmangtupawl hrangah duhthusam zetin hman theih a si zo ih, iPhone hmangtupawl hnen ihsin request nak tam zet ka rak dawng. Asinan iPhone (Apple) hi cu an device hmanmi a danglam deuh ruangah software ngaingai ih vun tuah ding cun Apple computer neih a rak ṭul fawn, cuvek tete ruangah rak tlinlo in kan rak um.

Asinan iPhone/iPad device hmangpawl thinlung ah nan um ringring ih kan Ca le Ṭawng ngaina ih “Ṭ ṭ” cu double (tt) ih hmang ruri le a tawcuk sau ruauri ih um tivek an si ṭheu tikah duhthu a sam deuh lo ṭheu. Curuangah iPhone/iPad ihsin “Ṭ ṭ” ngan theidan hi a phunphun in ka rak tawlrel ciamco. Sim zo bangin iPhone hrang cu (.ipa) tiah an ko ih Apple Computer thaw lawngih tuah theihmi a si.

Apple Computer kutkaih kan neih velo tikah iPhone/iPad App (.ipa) hi tuah theih a si lo ruangah, lamzin dang ka hawl ciamco ih awlsam si, ṭha thotho si, software zianghman download ṭul fawn lo, lamzin thar ka hmu ngah. A tuahdan pawl khal a hnuai ah Video thawn ka run tarlang ih felfai ten rak zoh uhla nan thiam cih ding.

A hnuai ih Video na zoh hlan ah “Ṭ ṭ” hi copy ta awla na iPhone/iPad sungih Note ah Copy/Paste in Save ta aw. Cu hnu ah a nuai ih Video hi zoh awla na hrangah a awlsam ding. Capital Ṭ le small ṭ hi copy ta aw, a copy theilo pawl hrangah Hinah Hmet AW. Cu hnu ah Note a tlun ih sim vekin na iPhone sungih Note ah Save aw.

“Ṭ ṭ” Copy theilo pawl hrangah a hnuai ih Link ihsin “Ṭ ṭ” rak la aw. Link 01 ihsin a ngahlo asile, Link 02 hmet aw.

Link 01: “Ṭ ṭ”

Link 02: “Ṭ ṭ”

iPhone/iPad ah “Ṭ ṭ” tuah dan Video;

 

LEAVE A REPLY

Please enter your comment!
Please enter your name here