Iraq Ah Chuan Christmas Ni Chu Holiday Atan Puan A Ni Ve Ta

0
934

Pathian thiltihtheihna a ni ka ti lo thei lo. A va han ropui em. Lal Isua khawvela mihring te anga a rawn pianna hun Christmas chuan khawvel hmun hrang hrang ah hlut a hlawh in a lawmna pui tak taka neih thin a ni a, Iraq ngei pawh in Christian te hun pawimawh tak Christmas lo thleng ah Official takin thu an chhuah ta.

Iraq ah chuan Christmas Day chu National Holiday atan puan a ni ve ta a, nimin zing khan Government lam chuan a nemnghehna an rawn nei a ni.

Iraqi Cabinet chuan Amendment ah Christmas chu National Holiday ah a Approve a, a hma kha chuan Christmas lo herchhuak chu Christian te chauh in a hman leh lawmna neih tur anga ngaih a ni a, tunah erawh chuan Christian te bak ah sakhaw dang te tan Holiday ah zauh a ni ve.

Government Of Iraq pawh in Christmas chu Holiday atan puan a nih thu an Official Twitter ah an tarlang a, Christmas chibai bukna an hlan. Iraq ah hian 95% hi Muslim an ni a, 66% chu Shia a ni a, 29% chu Sunni. Christian erawh 300,000 vel an ni anga tarlan a ni.

 

Communities te (small) zawk Armenians, Kurds, Arabs leh Iraqi Turkmens te pawh an awm. A hma chuan Christian te hian tih duh dahna hrang hrang an tawk thin a, tlanchhia leh thlabar reng reng ten hun an hmang thin. ISIS thunun na hnuaia an awm lai chuan chhiah (Tax) tam tak pe tur te, Islam a inlet tur te a tiin thah hial a vauna te an lo tawk bawk. Tunah erawh zalen tak in nun nuam takin Lal Isua piancham herchhuak chu lawmna an nei ve tawh ang.

DM

LEAVE A REPLY

Please enter your comment!
Please enter your name here