Japan Mipa Naupang Kum 10 Hian World Freestyle Round-Up Competition Ah No.2 Nihna A Hauh Thei (+Video)

0
945

Japan mipa naupang danglam tak mai kum 10 chauh a upa Yuzuki Kawasaki hi ilo hmelhriat ve tawh em. A ni hian a freestyle skateboarding tricks vang in mite chu mit tla lek lek leh hmuhnawm ti tak in a in thlir tir thei a ni.

Yuzuki hi Japan rama Uji a cheng leh khawsa a ni a, skateboarder a hneh sawh em avang in hriat a hlawh hle. A thiam dan chu sawi mai a fiah chi pawh a ni lo a en leh thlir chauh in a chiang.

Kum 5 a nih atang in a luhchilh a, Kitamakishima Elementary School a fifth-grade student a ni. A ngaihsan em em Japan’s top professional freestyle skaters, Isamu Yamamoto nen a hmaichhan a an inhmuh hnu atang phei chuan amah ah phurna nasa tak pe in theihtawp in a bei a, “walk the dog” trick te chu zirin Isamu nen chuan an Skate dun thin a, an innel phah viau bawk.

Theihtawp chhuah in mite aia chungnung zawh nih duh ngeina thinlung nen chuan a han beichho a, weekends leh holidays te chu Practice na atan a hmang thin.

Chawimawina eng eng emaw pawh a hui nual tawh. 2016 TSUKUMA CUP Freestyle Championships khan Kids and Amateur class ah a ber nihna a hauh a, 2017 MEGANE CUP Freestyle Contest, 2018 World Freestyle Round-Up ah te pawh a chungnung ber nihna a hauh. Tichuan kum in khan Cloverdale, Canada a 2019 World Freestyle Round-Up neih ah chuan pahnihna dinhmun a hauh leh ta a ni.

Ref : NS

LEAVE A REPLY

Please enter your comment!
Please enter your name here