JUSTIN BIEBER AN BURRITO EI DAN A LA THIAM DER LO

0
1084

Milar an ni a, an chanchin thar a piang chu Media te chaw tui tak a ni zel a, an eizawnna piah lam bak ah an mimal nun thleng pawh in an ching lep nasa. Khawvel miten chanchin thar hre chak reng reng in beng an tun reng hlawm.

 

Kum 24 a upa Canadian tlangval zaithiam Justin Bieber chuan Internet ah Fans tam tak te a inhnial tir leh pek hlawm. A chhan pawh engdang vang ni lovin thil ho tak mai a ni a, Burrito a ei dan chungchang ah mai a ni.

Thlalak ah hian Justin Bieber hi Park Bench ah thuin Burrito hi a lo ei. Mahsela a thil ei dan chu a hawihhawm lo an ti. Miten a ler emaw a hmawr tawp atanga an ei tan lai in Bieber erawh hi chu Burrito ei dang te ang lo tak in a lai a tang chuan a ei tan thung daih.

 

Nupui (hual) lai nei ve tawh in a thil ei dan chu mawilo leh hawihhawmlo tak ah Fans thenkhat chuan an ngaihsak a, Burrito ei dan chu a tir/bul atang zir tha leh rawh se tiin an sel.

Pakhat phei chuan Phaiphulêng tum tur ang mai a ni ti a, thenkhat erawh chuan a thil ei dan a ni ve mai a, mi thil ei dan han sawisel theihna dan a awm lo tiin an tan. Thenkhat te lah chuan an ram Canada diriam deuh tak in tawngkam chhakchhuak pawl tawk an awm bawk.

Milar hringnun hi chu ho te te anga lang pawh hi thil pawimawh tak a ni zel a, amah Bieber ngei pawh in “kan lar vanglai tak hi kan tlukchhiat awl hun ber lai a ni e” tiin a lo sawichhuak tawh nghe nghe a nih kha.

 

Dailymail

LEAVE A REPLY

Please enter your comment!
Please enter your name here