K-Pop Group Hmeichhia Zinga A Hmasa Ber Ni Turin Blackpink An Che Chhuak Dawn

0
813

K-Pop te hi khawvel huap ang ah pawh an duai tawh bik lem lo. Hollywood tam tak te aiin an chungnung tawh zawk.

Girl Group/Band hlawhtling tak BLACKPINK te chu hmalawka rimawi inkhawmpui lian tak neih tur, Music Festival ngaihhlut hlawh tak Coachella ah K-Pop hmeichhia te zinga a hmasa ber ni turin Stage ah laichhuat chhir in Perform tur zing ah ah an lang ve.

2019 music festival’s lineup puanchhuah ah hian Blackpink te hi Ariana Grande, Childish Gambino leh Tame Impala te ho nen Headliner ah an awm.

Coachella Music Festival hi Indio ah nghah a ni thin a, kumin pawh hian Indio, California ah bawk nghah leh a ni. April 12 – 21 inkata neih tur a ni ang. Sawi tawh angin Coachella hi hlut a hlawh a chhimtu pawh an lo tam thin hle. Kum liamta pawh khan mi 125,000 zet chhimtu a nei.

Blackpink Group te hi tunhnaia K-Pop zing ah chuan boruak siam nasa pawl an ni. Member hi 4 Jisoo, Jennie, Rosé leh Lisa te an ni a, kum liamta a an hla tihchhuah “Ddu-Du Ddu-Du” chu an hlawhtlinpui hle. “Ddu-Du Ddu-Du” hmang hian BTS leh PSY te khumin darkar 24 chhunga Korean Music Video en hlawh ber an ni pha hial. Hei chauh hi nilovin Korean Group Music Video a 550 Million nei kai rang ber an ni bawk.

Dua Lipa nena an Collaborate na “Kiss and Make Up” October thla a an tihchhuah pawh in Billboard Hot 100 Chart ah ke a rawn pen lut pha ve a nih kha. Blackpink te chauh hi Korean lam atanga Perform tur awmchhun an ni dawn lo a, Indie band Hyukoh te pawh an inlan ve dawn bawk.

Time

LEAVE A REPLY

Please enter your comment!
Please enter your name here