Kalay Siizung Ah Naute Awm Phir A Suak

0
3538

Kalaymyo Aungmingalar veng nemi (3)nak ih um nunau pakhat cun February 1 zinglam ah Kalaymyo Siizung ahcun naute awm phir a hring suak tiah theih a si.

Daw Thida Win (kum 28) ih naute cu nausuah siibawi pi Dr. Aye Aye Thin, nausuah siibawi (special) Dr. Nyi Lar Thui, a bawmtu siibawi Dr. Khaing Mon Kyaw, a bawmtu siibawi Dr. Win Htun Aung, hitsii lam siibawi Dr. Kyaw Myo Thanh le Sayama pawlin operation in tluangten an suah thei. Hibangtuk nausuak hi Kalaymyo siizung ah a țumkhatnak a si tiah theih a si.

Hi thuhla thawn pehparin siizung uktu cun “nausuak operation hi minute 45 a rei țheu, atu cu a danglam zetmi a si ruangah suimilam pakhat lenglo a rei, țhaten kan dimdirh ih a sual le thil poipeng thleng lo dingin kan zuam ih tluangten kan suah thei” tiah simnak a nei.

Naute cu pawn 8 le 8 aungsa a siih naute harhdamnak ding hrangah nauhak siibawi Dr. Nuh Nuh Thui, a bawmtu siibawi Dr. Soe Min Thet, a bawmtu siibawi Dr. Win Moe Thein in an kilkhawi.

Naute hi a harhdamnak a țhat vivo asile Mandalay siizung ah fehpi in a awm phir operation tuah ding a si tiah Dr. Nuh Nuh Thui in simnak a nei.

Hi naute bangin awm phir ih suak naute hi Kalaymyo ah a țumkhatnak a siih Kawlram ahhin 1971 kum Yangon ah Ma Nann Soe le Ma Nann San, 1993 Yangon thotho ah Aye Aye Ngein, Ih Ih Ngein, 2002 Mandalay ah ruh phir in Moe Ma Ma Aung, Moe Pa Pa Aung, 2009 Yangon ah awm phir in Su Pyi Lyn, Su Pyi Wine, 2011 Yangon thotho ah Yan Kin, Yan Shin, 2012 Mandalay ah Aung Khanh Kyaw, Aung Myat Kyaw pawl cu tluangten an rak suah thei tiah theih a si. Ref: Iprd

 

LEAVE A REPLY

Please enter your comment!
Please enter your name here