Kalay – Yangon Fehtu High Class Motor Accident Ah Mi 8 An Thi

0
501

Kalay ihsin Yangon fehtu High Class motor cu tuizing March 5 zinglam suimilam 6:00 hrawngah accident a tong ih mi 8 an thi, mi 25 in nasazet in hriamhma a tuar tiah theih a si.

Accident tongtu High Class motor cu Kalay khawpi nemi (2) ih um U Win Htun (kum 38) ih mawnmi a si. High Class motor cu Naypyitaw – Yangon highway peng țhuam 77/ 3 – 77/ 4 karlak ah a dunglam ke a kuai ih lamzin khamnak Guard Rails cu a pah vivo tikah motor cu control thei nawn lo in lamzin sir/kap ah a ril.

Hi motor totu ahhin phungki 5, mipa 26, nunau 11, an zaten minung 42 an siih thihnak tongtu mipa 6, nunau 2 (phungki 3 an tel) an zaten kom in mi 8 an si. Hriamhma tuartu hi mipa 16, nunau 9 (phungki 1 a tel), an zaten mi 25 an si.

“Hi motor totu hi an zaten mi 42 an si, minung 8 cu a hmun rori ah an thi cih, hriamhma tuartu sungin hriamhma tuar dan dem deuh khal an um ih hrekkhat cu thlaphan ding khop ih hriamhma tuartu khal an um” tiah highway police office ih țuanvo neitu pakhat in simnak a nei.

“Hi motor accident tongtu hi mani March 4 zaanlam suimilam 1:00 ihsin Kalaymyo ihsin a pok, thilthlennak hi Yangon lut zikte peng 77 le phalong 3 ah a si, atuhi hriamhma tuartu cazin kan tuah rero ih fiangten sim-awk a theih hrih lo” tiah Kalaymyo ih High Class motor gate hotu in simnak a nei.

Hi motor totu Kalaymyo ih um U Lian Tual in “kei cu ka rak itthat ih a rilh thok caan lawngah ka thei lai, hmaisabik ahhin motor hi kehlam ah a ril, Cuihnuah vorhlam ah veihnih thum a rilsal, motor hmailam totu pawl hi an tuar hleice, atu kan zaten myo cawng taih ne siizung ah kan um, kei cu ka lu malte a na, midang bawm thei dinhmun ka si, a tam sawn cu Chin miphun kan si” tiah a sim. Ref: HWPO, Xinhua, CW, Zalen

 

LEAVE A REPLY

Please enter your comment!
Please enter your name here