Kum 12 Leka Upa Chuan School Hawngin Ama Rualpuite Lehkha Zirtir

0
499

Ka va han chhuang teh lul em. Mipa naupang te mai la ni mahsela puitling na zawng tena an tluk phak loh leh an chung melh ah a tang thei hi a fakawm thlawt. A thil tih avang hian mite thinlung ah nasa takin hna a thawk bawk a ni.

Argentina rama San Juan bul a mi thingtlang kil khawr leh chen beh ve tak mai Las Piedritas a mi Leonardo Nicanor Quinteros tih hmingpu kum 12 leka upa chuan zirna School hawng in ama rual naupang dangte chu lehkha zirtir in hun a lo hmang thin.

Leonardo Nicanor Quinteros hi zirna ngaisang mi tak mai a ni a, an awmna a naupang dang dinhmun harsa ve tak tak, School pawh kal lem lo, lehkhazir aia khawlaia infiam nuam ti zawk te a han hmuh chuan an tan zirna lam ah rual a lo awh pui ve em em. A pi hnen ah chuan School din a tum ah tanpuina a dil ta tawp a, naupang dang te chu engmah sum leh pai seng lo a zirna an dawn theihna turin an inkiang ah te chuan School a hawng hmiah.

School a din hnu hian ama rualpui naupang dang te chu a School a lehkha zir tur hian a sawm hlawm a, teacher leh principal chanvo chu a lo chelh kawp ve ve a ni.

Bawh tu pawh an tam hle a, zirlai pawh mi 40 lai a nei. A then chu a rualpui leh amah aia naupang zawk te an nih laiin a then erawh amah aia kum lama upa zawk an ni thung. School erawh duh ang in a lian lem lo. Mahsela a School Building lam ai khan finna leh thiamna an chhar chu a tum ber a ni.

Naupang te pawh in School chu nuam an ti a, harsatna liantham lutuk te a nih loh chuan a tu a mah in School kal chu an thulh ngai meuh lo hlawm. An chenna In tih loh ah chuan School chu an ngainat ber a ni hial tawh.

An chanchin hria a piang ten mipa naupang tumruh na chu an fak a, zirna a ngaihsan na chuan mi tam tak chung en a nih phah der mai a ni. A va fakawm em.

RF

LEAVE A REPLY

Please enter your comment!
Please enter your name here