Kum 24 Zet An Fapa Bo Ta Nen Chuan An Inhmu Leh, Biangah Mittui Aluang

0
666

Lung a ti chhia in hnuk te pawh a ti ulh rum rum. Pa ber rilru tur ka ngaihtuah in a hrehawm dan tur a hriat. Kum kha ti chen kha awm nuam lo leh hrehawm tak in a fapa chu engtin nge a awm zel ang tih ngaihtuah chungin hun a lo hmang awm si a.

Biang ah hlim leh lawmna avanga mittui luang chung in nupa te chuan an fapa kum 24 zet an lo bo tak nen chuan an lo inhmu leh ta.

North West China a nupa Li Shunji leh Du Li te chuan an fapa hi kum 3 mi chauh nihin inhloh in an lo in bo palh a, 1994, Aug.8 khan kawtthler lun tak Xi’an city ah chuan an lo in bo a ni.

An fapa a bo hnu hian Li Shunji leh Du Li te pawh chu an rilru a buai hle a, engtin nge an fapa chu a awm zel ang tiin lunngai leh hrehawm takin hun leh ni an lo chhiar a, mahsela an beidawn duh lohna chuan tun hun ropui hi an thleng phah ta.

Pa ber Mr Li hian dawr a nei a, thuamhnaw zuar thin. A fapa zawnna turin a business chu a hralh phal hial a, a fapa zawng turin hmun hran hran ah chuan a chhuak a,missing-persons notices copies 180,000 zet chu a lo Print a ni.

“Ka bei dawng lovang, ka fapa hi ka hmu leh ngei ang tiin keimah leh keimah chu ka inhrilh a” tia lo sawi chuan a tawp ah chuan hlawhtlinna kawl eng a rawn chhuah a, Local Police te chuan DNA database hmangin kum 27 a upa Li Lei chu an fa hun rei tak bo kha a ni tih an hailan sak.

Kum 24 zet an inbo hnua an han inhmuh leh chuan a pa chuan a fapa chu kuah in a mittui a tla zawih zawih a, a hma ah chuan a lo thingthi hnawk mai. An kiang ah nu ber pawh chu a mittui tla in a lo insum zo bik lo.

Feedy

LEAVE A REPLY

Please enter your comment!
Please enter your name here