Kum 60 Pacang In Kum 9 Nute A Pawngsual Tum

0
347

Taih-gyi peng sungih Uk-kan pengthen Chawng- soh khua ah pacang kum 60 cun phunhnih kai kum 9 mi nauhak nute cu pawngsual dingin a lem ti’n rinhmainak in an kaih thu theih a si.

Hi thilcang cu January 10 zaanlam suimilam 6:00 hrawng a si tiah Uk-kan pengthen palik zung ih thuthlentu Daw Yi in simnak a nei.

“Nauhak nute ih nu le pa cu ram lakah hnațuan an feh ih annih hi ka hnenah an ret, a hlan lam khal ah ka tu thawn Vedio kan zoh tlang theu, thilcan zaan cu amah te hmai ah a rak feh, Vedio kan zohnak khal kan inn hmai rori a siih rinhmainak kan nei lo, kei ka va thlun cu nauhak nute ka hmu lo, curuangah inn kiang Daw Cho thawn kan hawl, mahte ih um U Myint inn ah kedam kan hmu ih kan lut cu pathian retnak hnuai ih chințhawng sungah bawngbi hlit in a to kan hmu, U Myint cu nauhak nute ih kiangah a it kan hmuh ruangah nauhak nute cu kan hruai ih thuhla kan sut tikah Vedio zoh țheh hnu inn lam a tlun zawng ah U Myint cun a hruai ih bawngbi a phelhter, a nunau zahmawh cu ….., kan va thlen ruangah si ko ti’n a sim, curuangah hi bangtuk in zung ra ih thubuai kan tuahnak a si” tiah Daw Cho in simnak a nei.

U Myint cu palik in kai dingih an rat caan ah a rak tlan ih hmunkip an hawl hnu San-zua khua fehnak lilawn kiangah an kaih ngah thu a kaih caan ih teltu mi pakhat in simnak a nei.

Hi thuhla thawn pehpar in U Myint cu Uk-kan pengthen palik zung in (ပ) 8/2019 yazatetgyi pukmah 379/511 in thubuai tuahsak a siih nauhak nute cu Uk-kan siizung ah tuamhlawm a si tiah U Myint thuhla zingzoitu police second lieutenant Min Min Zaw in simnak a nei. Ref: DVB

 

LEAVE A REPLY

Please enter your comment!
Please enter your name here