Leitlun Mithiam Pawl In C.Ronaldo Le Messi Thuhla Ziangtin An Rel

0
337

Bawhlung ngaina lemlo pawl khalih theihmi C.Ronaldo le Messi hi mi tampi cun leitlun santhuanthu ih bawhlung sit thiambik ih an retmi a si bangin an thuhla ah el-awknak khal a tamzet . An thuhla ih el-awknak a tamzet bangin bawhlung sit thiam zetzet pawl in C.Ronaldo le Messi thuhla ziangtin an rel timi kan thlirtlang ding .

ZIDANE- Bawhlung sit lawng silo ih Coach lam khalih hlawhtling zet Zidane cun ” Leitlun ih Bawlungsit thiambik tiih rel ding ahcun Messi in a phubik . Ronaldo cu a tumruhnak ruangih hi dinhmun thleng thei fang a siih, Messi cun thiamnak a suahpi a si ,” a ti.

BECKHAM – A hlemthat tlunah free kick a sit thiamzet ruangaih mi tampi theihmi Real Madrid le Man United laitlan hlun Beckham cun ” Messi le C.Ronaldo kan neih hi kan vanțha tuk . Sinan Messi cu zohman ih tluk lo khopih thiam hleice a siih,amah vek zokhal an um lo a si. C.Ronaldo hi miteima le thinlungțha a siih a tumruhnak hi porh tlak le upat tlakzet a si ve .Asinan a sanlai ih Messi a um cu a vansiatnak a si,” a ti.

SEPP BLATTER – FIFA president reizet rak tuan zotu Blatter cun ” Messi ih Record tuahmi le cup cawimi pawl zoh cun Ballon dO’r 9 lai ngah zo ding a si ,” a ti.

PELE – World cup vei 3 rori an ram Brazil champion pi theitu Pele cun ” Ronaldo vs Messi nan khaikhin țheu hi nan fiang lo a si ,Curuangah keimah in ka lo simfiang ding Ronaldo a țha ih Messi a thiam , Cutin afiang lo sawm ,” a ti.

MARADONA – Pathian pekmi kut tiih mipi theih hlawh zetmi Maradona cun ” Messi ai ih thiam suak ding cun Leitlun leng ih mi a țul ding a si ,” a ti.

MORINHO – Coach ropi zet Mourinho cun ” Messi hi ka kutthuai ah lek sehla kum tinten Champions League ka ngah ding . Tuihnu kum 5 ahcun Messi cu kum 35 a si thlang ding ruangah kan zaten kan țap rero lai ding .

Di Maria – Real Madrid ,Man United le PSG hrangih lek zotu Di Maria cun ” Ronaldo thawn Real madrid ah kan lek tlangih Messi thawn Argentina ah kan lek tlang ,cumi ih Ka hmuh fiang zetmi cu Messi hi leitlun ih bawhlung ih thiambik a si,” a ti .

Raul – Real Madrid Captain hlun Raul cun ” Ronaldo thawn Real madrid ah kan lek tlang nan, Messi thiamnak ka hmu fiang sawn a si ,” a ti.

Rooney – Man Unitid ih C.Ronaldo thawn rak lektlang zotu Rooney cun ” Maradona le C.Ronaldo aiin Messi a thiamsawn ih, leitlun ih thiambik a si ,” a ti .

Paul Scholes – Man United le England laitlan hlun Sholes cun ” Messi hi leitlun ih bawhlungsit thiambik a si ,” a ti .

Nistelrooy – Man United le Netherland hmaitlan hlun Nistelrooy cun”  Messi hi leitlun ih thiambik miangmang a si ,” a ti .

Klopp – Liverpool Coach Klopp cun ” C.Ronaldo hi a cak, tlan khal cak ih lun lo ding khopih mi thiamzet pakhat cu a si . Asiinan buainak pakhat a nei cucu Messi a um hi a si ,” a ti .

Higuain – Real Madrid hrangih C.Ronaldo thawn rak lek zotu le Argentina hrang Messi thawn lek zotu Higuain cun ” Messi le Ronaldo hi ka lehpi veve zo ih Messi hi thiam ka ti sawn a si ,” a ti .

Ziang a si khalle bawhlung lamih hmin nei pawl cun C.Ronaldo aiin Messi thiam an tisawn tlangpi a bang . Himi ah Messi in Barcelona hrangih a lehpi a rualpi pawl in tongkam a tel hrih lo a si .

LEAVE A REPLY

Please enter your comment!
Please enter your name here