Leitlun Nu Hlawhtling Pawl Ih Thurawn Pek Mi (Part 1)

0
211

Nu pakhat ih hringnun hi a harsa. Pumcawmnak hnațuan hi phur a rit ko. Inn ih um a si khale, leng ah hna a țuan a sikhalle, ‘Nu’ timi țuanvo hi a thupi zet.

Hna țuan rero tu nu pawl hrang zohțhimtlak le cinkentlak leitlun nu hlawhtling pawl ih innsungsang le hnațuan an semrem dan anka pawl kan run tarlang ding.

1. Nauhak (fale) pawl țhaten an theih thiam ding ko sim ding.

“A hlan khan ihsin ka fale ka sim cia. Tlawng nan feh vekin ka hna ah ka feh ve a țul tiin. Kanmah ciar ah hnațuan ding, țuanvo kan nei tiah ka sim. Zan lam inn ah kan zaten kan kim tlang lawng ah thil cang dan pawl ka sim sal”

– Diane von Furstenberg

2. Nauhak (fale) pawl zohțhim ding in um aw.

“Nau thawn hnațuantu nu pawl vek tho in nu țha bik si ding ka zuam. Fale pawl taima le zuam ding in tahțhimnak hrang keimah in ka hmuh. A țul dan ih zir in hnațuan hrang khual a tlawng. Nauhak pawl thawn kan hlatawk tik ah ka ngai thei zet”

– Victoria Beckham

3. Ziang mi a thupi bik ti hngilh pang hlah.

“Anih President, keikhal president pakhat. Asinan kan pahnih in a hamaisa bik ah hna thupi zet kan țuan mi in kan fale pawl dik ten a țhan ter maw ti hi a si”

– Michelle Obama

4. Hril hnu ah duhsakaw.

“Hnațuan le nui țuanvo karlak bangran ten sasem thei ding cun a țul bik sawn duhsak a si. A țang kai mi hna lawng țuan ih innsungsang caan pe aw. Ka sim duh mi cu mai caan cu mai țuanvo lak ding a si”

-Kim Kardashian

5. Mah le mah mawhthlukawknak kha hngilh men aw.

“Mah le mah mawhthlukawknak thinlung kha hngilh aw. Inn ah um in hna na țuan thei lo ruangah thin har hlah. Hna na țuan tik khal ah inn ah na nufa thawn nan um tlang thei lo ruangah thin har cuang hlah”

– Katie Couric

Source : GadaWin Magazine

LEAVE A REPLY

Please enter your comment!
Please enter your name here