Liam Hemsworth Leh Miley Cyrus Te Honeymoon Hmandan Dangdai Viau

0
1024

Kumin chu milar nupa tuak thar an tam malh malh hle a, Meghan Trainor, Deepika Padukone, Hailey Baldwin leh Priyanka Chopra ten pasal an neih hnu ah Miley Cyrus pawh in Cyrus chhungkua chhuahsan in Hemsworth chhungkua ah a lawi lut ve.

Kum 10 dawn teh meuh “ni leh nilo” ang renga an awm hnu in tun Christmas hma lawk urlawk hma si khan a rukin chhungkhat thenrual tha te hma ah an inneih a, inneihna hi Tennessee ah neih niin Cyrus leh Hemsworth chhungkaw lam pawh an kim hle. Miley leh Liamsworth te hi ‘The Last Song’ an chan dun atang daih tawha inkawp an ni a, an inzuina pawh a lo rei tawh hle.

Inneihna buatsaih a nih thu a darh chiam hnu hian an inneih thlalak thenkhat te chu Social Media ah an tichhuak nghal a, an chhungte lam pawh in Post an siam ve bawk.

Mak deuh mai chu Miley leh Liam te hian innei thar dang te ang lo takin Honeymoon danglam tak an hmang. Montana ah ski resort in an thlawkchhuak. An nupa chauh in an nilo a, an chhungte dang Luke Hemsworth, Chris Hemsworth leh a nupui Elsa Pataky bakah an fate 3 te nen niin thian dang pawh an tel a, Miley hairstylist Aleksey Bishop pawh a tel ve thu sawi a awm bawk.

Luke, Chris leh Elsa te chuan an hun hmanna vel thlalak hi phochhuahna an nei a, nupa tuak thar te erawh in thlalak phochhuah an la nei lo thung.

E!News

LEAVE A REPLY

Please enter your comment!
Please enter your name here