Lukhum (Helmet) Vang Liau Liauin A Nunna A Chan Lo

0
1672

Chak tawka Motorcycle a khalh laiin a hma a car tlan mek chu kawngkhar a inhawng thut a, chu Car chu a va sut rual in a leh lama Truck ke hnuaiah chuan a va intheh lut palh a, Truck lianpui chuan a lo chil nghal. Vanneihthlak takin a helmet khum chuan a lu keh sawp vek tur chu a lo dang hlauh mai ani.

He thil thlenna hmun hi Zhejiang Province a Jinhuan khawpui ah ani a, he thil thlen dan Surveillance Video atanga a landan chuan, he Truck lian pui hi Dongyoung lam pana a tlan laiin Ms.Zhu Scooter khalh a lo tlan ve mek a, a hma a Car chuan kawngkhar inhawng thut chu rawn suin Ms.Zhu chu a lehlam Truck hnuaiah chuan a in vawm lut ta ani.

Ms.Zhu chuan, “Helmet awmlo sela, ka thi chiang khawp ang “tiin a sawia a Helmet erawh a sawp chhe hneh hle ani.

Tichuan, Car kawngkhar hawngtu chuan Ambulance leh Police a Call nghal a, a rang rangin Hospital ah an tlanpui nghal ani. Ms.Zhu hi a lu tlem a thler tih loh chu hliam tih tham a awm lo. Thi erawh a chuak hnem ve deuh bawka, A luruh leh thluak lam chu vanneih thlak takin a him ani.

Bike kan khalhin Helmet i khum hram hram ang u. Kan nunna hi tumahin kan pawt seiin kan pawt tawi thei lo na’a kan fimkhur erawh a tul ve a ni. He pa pawh hian Helmet lo khum lo chu nise, a hmunah a nunna a chan ngei ang.

Dailymail

LEAVE A REPLY

Please enter your comment!
Please enter your name here