Lungchim Leh Inngeih Takin Kylie Jenner Leh Travis Scott

0
956

Milar inkawp zinga thawm nei lian leh huhang ngah chho ber zinga mi an ni a, sawisel leh diriamna tam tak kar ah pawh an inkarah tu dang mah an inrawlh thei lo a, hmangaihna hrui chu nghet tak in an la vuan dun chho zel.

Milar naupang zinga sum ngah fi lawr MakeUp lama hnu hma lian tak rawn nei chho Kylie Jenner (kum 21) leh a hmangaih Travis Scott (kum 26) te pawh kumhlui thlah zan khan West Hollywood ah zanriah kila chhuak dun in kum 2018 an mangtha dun.

A chhiat lohna ti zual tur in New Year Eve Celebration neia an pa nena an zanchhuahna ah hian Kylie hian white tuxedo style dress nalh zet chu a lo inbelchhuak a, a sam rawng pawh a rawn nalh siau siau khawp mai.

Hetia han thlek chuan fa nei tawh tih reng reng a hriat loh a, mipa tam tak a la hip nasa hle. Travis Scott nen hian fanu Stormi an nei a, an teichhuah na ah erawh an fanu hmel hi hmuh tel a ni ve lo thung.

Kylie leh Travis te hi 2017 a Coachella ah intawngin thla 9 a liam hnu ah fanu hi an nei. Miten Couple inhmeh lo leh inremlo tak a ni ti ti mahse an inkar erawh a ti khi pha lo. Tin, tunhnaia Kylie laizawn Kim Kardashian leh a pasal Kanye West te Drake te nen an intihthiamloh kal zel ah Travis Scott hming pawh a ri a, hei vang hian Kanye leh Scott te pawh hi an inkar chhiat phah thei hiala sawi rik te a ni.

DM

LEAVE A REPLY

Please enter your comment!
Please enter your name here