Mai Cheery Zahau ih Burma ram thu a sim mi; RFA Video

0
625

Kan Chinmi lakih ramkhelnak lam ah kan Nubik a si mi Pi Mai Cheery Zahau cu RFA Burmese in tufang kan rampi umdan le leitlunpi (UNO) in a hmuhdan thuhla pawl thusuhnak an neihmi cu ralṭha zet le dik fukfo in thudik a puangsuak ta riai. Kan Chinmi lakah hivek Nu kan neih cu hmaihngal thlak tak si.

 

Pi Cheery Zahau cu RFA in tufang kan Myanmar ramsung ih Rakhine buainak le leitlun (UNO) in mawhthluknak a neihmi pawl thuhla an sut tikah, Myanmar ram hi UN dun le dan a pahbalmi khal a rak um. UNO ih General Assembly khal ah Myanmar ramthu rel hi a tambik ih kum tin deuh thawn in a si, hipawl hi ziangruangah tile World War II hnu ih leitlunpi (UNO) ih dun le dan pawl a rak thlunlo mi tetepawl ruangah a si, tiah a sim.

 

UNO le Leitlunpi in Myanmar rampi parah beiseinak sang zet an rak nei ih, ramsung mipi khalin beiseinak sangzet thawn Zalennak kan cuan, asinan atak ram ah Zalennak lam i hnekin buainak a suak deuhdeuh, Rakhine buainak a suak, mahte ramsung buainak tifel loin, thuanthu sungih mai’ mawhsual le palhnak hman thei-awloin leitlunpi sawn mawh kan thluk, theihthiamlonak pawl khal a um, tiah a sim bet.

Photo: ZU Rangún

Pi Cheery Zahau hi simzo bangin ramkhel thu ah kan Chinmi nunau lakah leitlunpi ih theih le langsar kan neihsun Nu a si. Ramkhel thu ih a hminthan lawng men siloin 2017 ah UNDP ih timtuahmi ah N-Peace lawmman ngahtu a si ih, kum 2018 ah EU Shuman Award lawmman ropi zet dawngtu khal a si.

RFA Burmese ah Pi Cherry Zahau ih thusimlai VIDEO;

~The Chin Times

 

LEAVE A REPLY

Please enter your comment!
Please enter your name here