Mai’ umnak run innpi rori urkangtu Myanmar tlangval

0
234

Thaninthari ramthen Myiak khawpi ih um tlangval pakhat cun an inn a ur hnuah nam keng tahratin hro a suang ciamco tiah theih a si.

December 28 zinglam suimilam 8:00 ah khan Myiak khawpi Kanphia veng Kanphia mini lamzin ih um kum 21 tlangval Moe Shan Hein cun an inn ih zohman an um lo sungah an inn a ur hnuah nam keng tahratin hro a suang ciamco tiah Myiak khawpi palik zung ihsin theih a si.

“Tuizing suimilam 8:00 hrawngih thilcang mi a si, tlangval pa hi thinlung lam kim lo cu a si lo, atu hi sakhan ah thubuai kan tuahsak in a thuhla kan zingzoi rero lai, thil a cang lai ah a innsang pawl zohman an um lo, inn hi meisa ih a nawh ruangah phar pawl an kang” tiah Myiak khawpi palik zung ih bawi pakhat cun a sim.

Tlangval pa ih inn a ur mi cu veng mipi le meithat pawl bawm aw in an mit suak thei tiah theih a si. Hi thuhla thawn pehpar in tlangval Moe Shan Hein cu Myiak palik zung in (ပ) 2033/2018 yazatetgyi pukmah 436/19 (င) in thubuai an tuahsak tiah theih a si. Ref: ATK

 

LEAVE A REPLY

Please enter your comment!
Please enter your name here