Malaysia ah Zu sia ruangah mi 19 an thi, minung 14 bese zet in an naa

0
566

Malaysia ram ih Selangor State (Kuala Lumpur tel in) ah zuu ṭhalo in ngah ruangah mi 19 an thi ih minung 14 pawl cu bese zet in siizung ah an um tiah The Star thuthangca cun a tarlang. Hi thu hi 17th September ihsin tuisun 19th September kar lak ih thilcangmi a si.

 

An zu in mi brand pawl cu Mandalay Whiskey, King Fisher Beer le Grand Royal Whiskey pawl tla an si tin Malaysia palik pawl in an sim. Himi zu sia in ngah ruangah a thi bet tu le a na bet tu khal pehzom in an karh vivo ding an zum thu khal an tarlang.

 

Hi zu ṭha lo a in ngahtu hi minung 51 lai an si ih a in tu pawl sungah Myanmar, Malaysia, Nepal, Bangladesh le India rammi pawl tla an si tin palik pawl cun an sim. Malaysia acozah le palik pawl in hi thu cu pehzom in an zingzoi rero lai.

 

Hi zusia ruangih nunnak a liamtu le sizung ih tuamhlawmmi pawl an zingzawinak vek asile, hi zusia an in ihsin an pianzia a dangih pumna, luaksuak, luakluak, luzing le mitrau tivekpawl an tuar. Cutin an thawthawt a tawi (a muang vivo) ih hmakhat te ah zianghman thei nawnlo in an um, tiah Health director-general Datuk Dr Noor Hisham Abdullah cun a sim.

 

LEAVE A REPLY

Please enter your comment!
Please enter your name here