Malaysia; PKR hotupa Anwar suah zalen thlang ding

0
317

KUALA LUMPUR: Malaysia ram ih acozah dinglai khingtu (opposition pary) hotu Datuk Seri Anwar Ibrahim cu June 8 ah thawnginn ihsin suah a si thlang ding tiah Prisons department in tuisun ah an phuang a si.

 

Parti Keadilan Rakyat (PKR) (National Justice Party) Party hotupa Anwar Ibrahim hi thuhla a phunphun thawn kum ziangmaw zat thawng an rak thlakmi a si.

 

Kum reipi thawnginn ah can a hman hnuah June 10, 2018 hi suah zalen dingin a thuhla nemhnget a si.

 

Director-general Datuk Sri Zulkifli Omar cun, thawnginn ihsin a suahnak ding thu hi tlun lam thuneitu sang hnen ihsin karlakih thu um thei lo dingin nemhnget a si zo ih tiah a sim.

 

“Malaysia ram ih Thawngtla suahnak Dan (No. 28) ah thawngtla pakhat thawnginn ihsin suah ding ni ah holiday a rak si kherkher asile Suak dingih ni tiam thlen hlan ni khat duh ah suah zalen a si ding tiah” a um tiin director cun a sim.

 

“Curuangah June 10 cu Cawlhni sun a si ih, June 9 le Zarhte sun a si fawn, curuangah PKR de Party hotupa Anwar hi June 8 (tlawngkai ni nga) ih suah zalen dingih an nemhngetnak a si” tiah a ti.

 

LEAVE A REPLY

Please enter your comment!
Please enter your name here