Mandalay Airport Ah Myanmar Vanzam A Cangsual

0
1081

Mandalay airport ah tuizing May 12 zinglam suimilam 9:00 hrawngah cun Myanmar National Airlines ihsin Embraer 190 vanzam pakhat cu a hmailam ke thla thei loin a cangsual tiah Mandalay airport ih țuanvo neitu palik bawi pakhat in simnak a nei.

“Vanzam a țum zawngah a hmailam ke Nose Landing Gear thlak a theih lo ruangah a ruangpum in a țum, hriamhma tuar an um lo, khualtlawng hrekkhat cu an lung an phang zet” tiah palik bawi pakhat cun a sim. Hi vanzam Embraer 190 hi Yangon ihsin Mandalay ah mipum 80 lenglo phur tahratin a ra suak ih, Mandalay ih Tadaoo vanzam tualrawn ih a țum zawngah a hmailam ke a thla theilo ih siatsuah-awknak zianghman um lo dingin țum thei zuam tahratin a țumsuak thei tiah vanzam tovetu khualtlawng pakhat in a sim.

“Meikhu a suak ih hrimsia a nam, vanzam țum lai a si tikah kan lung a phang nasa, vanzam mawngtu a thiam tuk ruangah siatsuah-awknak zianghman kan tong lo” tiah khualtlawng pakhat in a sim.

Hi Embraer 190 vanzam cangsuahnak ahhin khualtlawng mipum 82 le vanzam țuanvo neitu mipum 7 in an to ih zohman tuahmawh aw an um lo tiah theih a si. Ref: Xinhua, EMG, MNJ

Vanzam Cangsual lai Video;

 

LEAVE A REPLY

Please enter your comment!
Please enter your name here