Mayweather vs Manny Pacquiao A Thlensal Ding Thu Pacquiao Amah Rori In A Rel

0
894

Asia mithong thiam Pacquiao hi ngiartu a nei tamzet nan ,tui kum sung ahcun mithong a tum hrih lo ih,hmai kum vei 2 mithong a tum thung. A hmasa sawn ah US mithong thiam Adrien Broner cu January thla ih an  thong aw dingih neta sawn cu Mayweather thawn  sithei theizet thu amah Pacuquiao rori in a relsuak.

Pacquiao ih mithong hmaisa dingmi Broner hi Boxing leitlun ah minung 38 a rak thong zotu a si ih vei 33 nehnak co in vei 3 te lawng a rak sung.

Pacquiao cun ” Mayweather hi December thla sungih mithong ding a neih ruangah keikhal in mithong ding dang ka rak ruatfel zo ih kumthar January thla ni 12 lole ni 19 ah Adrien Broner thawn thong aw dingin ziangkim kan tifel thluh zo. Mi kan thong theh veve hnu ah Mayweather thawn thazet in kan rel tlang dingih kan thong awk ding ni cu kan tifel mai ding. Keimai duhdan ahcun May 5 lole July thla hrawng ah Mayweather thawn thong aw thei sehla ka duhzet.

” Boxing leitlun ih ka colh hlanah puai mallai mithong ta ka duh ih ka tawlrel rero lai. Tuhrih ahcun Adrien Broner thawn thong aw ding kan si ih cumi theh ah Mayweather thawn kan thong awk ding caan kan phuan thei ka beisei zet.

” Mayweather thawn thong awk sal kan duh veve bangin kan thong awk sal ding cu a tak rori ih a thlensal ka zumzet. Mayweather khal mithong dingin a rakir fel zo ih keikhal ka mithong dingmi ka tifel ta ding.

” Japan ih kan ton awk tumah kan sual awk hmaisa ih thildang kha ka diriam lo zet thu ka simthei ih thongawk sal ka duh thu khal ka simthei cih. Cutikah Mayweather cun ka tongkam a cohlang hngal ih thong awk sal rem a ti zo a si,” a ti.

LEAVE A REPLY

Please enter your comment!
Please enter your name here