Mi Ang Lo (Rualbanlo) Nu Pakhatin A Fa Enkawl Dan An Hmuhin Mipui Rilru A Țhawng Hle

0
2633

Mi ang lo (rualbanlo) nu pakhatin fa duhawm tak a neia chenna in pawh a nei lo. Kawngsir ah chuan a fanu chu duat takin a enkawla mi ang lo nimahse a fa a hmangaih zia chu sawi mai dan pawh ka thiam lo. Mita hmutu te rilru a khawih hle mai. Mi rethei tak leh mi ang lo nimahse a fa tana a in pekna hi a ropui lutuk. He mi ang lo hi (Philippines) ram thingtlanga khawsa a ni.

Unau chhungkhat laina neih a nei lova a nulat lai atang tawhin khawlai vela vakrawlai thin a ni. Burchhiate a zawng ve thina mahse a burchhe zawrhna man erawh a tam lo hle. A ma ei khawp pawh a hmu lo a ni. Mi bawlhhlawh paih takte a chhar khawma a ei țhin. Khawngaihtu ten ei tur in turte an pe țhin bawk.

Vanduai thlak takin nau a paia naute pa hi tunge tia an zawhin a sawi thei mai lo. A țawng thei lova kutzaizira biak a ngai. Mi awm tha duh lo hovin an lo mutpui ni ngei tur a ni. Naute pa hi tunge a nih an la hre mai lo. He nu lainatawm tak hi tawng thei lo mahse chhia leh tha a hre ve veka chuan a taksa hian rual a ban lo.

Fanu duhawm tak a neia kawngsirah chuan a awmpui. Mita hmutu leh a chanchin hretu an rawn tam chho zela Face book hming “Honey Stepie chuan a ma Facebook ah tanpuina a dilsak. Chuta tang chuan hretu leh lainattu an pung zela Website lamah pawh a chanchin an post. Tunah hian ram dang dang atang tanpuitu an awm nual tawha chumi tanpuina an dawn chuan in pakhat an leisak.

A fa a enkawl dan chuan mitam tak mittui a ti tla a ni. A fanu a țah chang hian a khawngaih lutuka nu dang angin a zei bawk si lo. A fa chu pawmin a lu a chulsak thin. A pawina em em pakhat chu a beng a chet tlata zanah a fa a țah chang hian a hriat loh chang a awm.

Mi tlawmngai pawl chuan (bengdar) leisak an tum thu pawh an sawi. Ka khawngaih hle mai. Mi ang lo tak ngial pawh lo mutpui duh zel mai. A fanu hian pa tia koh tur a nei ve dawn si lo. An hmakhua ka dawn hian ka mittui a tla. Lalpan awmpui zel rawh se.

Ref: DDN News

LEAVE A REPLY

Please enter your comment!
Please enter your name here