Mi Maktaduai Chuang Zet Rilru Leh Thinlung Khawihtirtu Nufa Te

0
948

Ei leh in tur neia kan la khawsa ve thei tawk tawk te hi lawmthu sawina tham a tling a ni. Ramdang ah te chuan ei leh in tur pawh nei lo, khawsak na leh ngaihtuah tu pawh nei lo a hun hmang tam tak an awm.

Mi maktaduai chuang rilru leh thinlung chu an ni nufa hian an tih kehsawm sak a, an chungah khawngaihtu leh lainat tu tam tak an awm bawk. A bikin tak in a nu tan ngat phei hi chuan hringnun hi han thlakhlelh na tur reng reng hi a awm lo.

Mrs Tam hi Nong Cong district, Thanh Hoa province, Vietnam ah chuan in zim tak ah a fapa nen chuan an khawsa ve a, a fapa hi rualbanlo a ni. An chenna hmun chu a zim a nak laiin a rimchhia in a tawp em em bawk a, an thenawm khawveng thenkhat phei chuan mihring chenna hmun ang lo hial in an sawi.

Mrs Tam hi tunah kum 50 a ni tawh a, a fapa enkawl ngai a nih lai in ama taksa ngei pawh chu hrisel lohna in a tlakbuak a, a ke phei chu a vung leh kang (burn) ang hial in a awm. A taksa chu a cher em em bawk a, hnathawk pawhin a chhuak hleithei tawh lo.

A pasal hian a lo kalsan a. Fapa a neih chu a hringnun harsatna atanga khaiding tu turin a lo beisei a, a beiseina erawh a takram a thleng zo lo. A fapa hian kum 4 a nihin khawsik sang tak a neih hnu ah cerebral palsy an tih chuan a tlakbuak a, kum 18 kalta tang phei kha chuan thil ei leh thut vel tih loh chu thil dang tih theih reng a nei lo a, beiseina sang tak a lo neihna a fapa chu atan phurrit mai a ni ta zawk.

Mahsela Tam hian a fapa hi kalsan tumna a neilo. Tha tak leh duat takin a enkawl. Ei in tur ngaihtuah in hna a thawk thin a, tunah erawh chuan a kum te a lo tam tak avangin hna a thawk thei tawh meuh lo.

Hringnun zingkawng zawh nuam lo tak ah hian vawi tam tak tal chhuah a tum thin. A fapa nena tui a zuanthlak a intihhlum daih te a chak thin a, mahsela a fapa an en chuan a zuam leh lo thin a ni.

Ei leh in tur pawh an nei thei tawh meuh lo a. A duhthusam chu a fapa Social Protection Center ah hruai a enkawlna tha dawn tir a ni a, an nufa chanchin hria tam tak te rilru leh thinlung a khawih nasa hlawm. Tanpui tu an mamawh tak zet a ni.

FT

LEAVE A REPLY

Please enter your comment!
Please enter your name here