Mihrut Nu Pakhat Nih A Fa A Zohkhenh Ning Cu Mipi Nih An Hmuh Tikah An Lung Thalo Ngai

0
390

Mihrut nu pakhat nihcun fa duhnung te a neih i umnak in zong a neilo. Lamkam ahcun a fanu cu dawtnak te he a zohkhenh i mihrut si hmanh sehlaw a fa a dawtning cu chim zia zong ka thiamlo. A hmutu hna lung a thalo ngai. Sifak le mihrut si hmanh sehlaw a fa ca i a pumpek ning hi a sunglawi tuk. Mah mihrut nu hi (Philippines) ram khawte i khuasa mi si.

Ule nau chungkhat zong a neilo a nungaak lio te in umnaak in neilo in lak i vakmi a si. dur chia hna a kawl tawn na in a zuarnak man cu a tlawmtuk. Amah ei khim hmanh a hmulo. Minih hmunthur an hlawnh mi hna a char i a ei tawn. Amah zangfak tu hna nih ei le din ding hna an pek tawn.

Vanchiat ah nau a pawi i a fate pa hi hodah si tiah an hal i chim awk a theilo. A holh kholo i kutke in chonh a hau. Thate i um duhlo mi misual nih an rak ihpi si ko lai. Naute a pa hi ho set a si an thei kho rihlo. Mahnu hi holh kholo hmanh sehlaw zeipoh a chia le tha cu a theih dih i cun a pumsa hi a tlamtling lo mi si.

Fanu duhnung te cu lamkam ah a umpi tawn. A hmutu le kawnglam theitu an tam chin chin i Face book min “Honey Stepie nihcun a Facebook in bawmhnak a halpiak. Mah hnu cun a theitu le zangfah tu an tam chin chin i Website lei zongah a kawnglam hi an post. Tu ah cun ramdang dang in bawmh nak a hmuh cang i mah bawmhnak cun in pakhat an cawkpiak.

Afa a zohkhenh ning nihcun mi tampi mittthli a tlakter. Afa a tah caan hna hin nupawl dang bantuk in zeihmanh a thiam ve tunglo. a zangfak tuk tawn i a pawm i a lu te hi a culpiak tawn. Apoi ngaimi cu a hna a chet tikah zanah a fa a tah hi a thei loh caan a um tawn.

Amah zangfak tu hna nihcun hnachet pawl an i benhmi cawkpiak an i tim tiah an chim. Ka zangfak tak tak. Mihrut tiang zong rak ihpi duh hna hi cu. A fanute nih hin kapa tiah auh ding a nei ve tung lailo i. Hmailei ca ka ruahpiak hna hin ka mitthli a tla. Pathian nih umpi peng ko hna seh.

Ref: DDN News

LEAVE A REPLY

Please enter your comment!
Please enter your name here