MIPA IN HMEICHHIA A BEI

0
662

PA PAKHAT IN CHEMTE IN HMEICHHE PAKHAT A BEI

(Huaisen tak in chi-ai lo leh talbuai miah lovin misual a hmachhawn.)

Kan khawvel ah hian nitin chanchin maksak tak tak leh dangdai, rapthlak tak tak leh thin thawng tak tak hriat tur a awm reng a: Ruk ruk, pawngsual, tualthah, mi suam leh mi bum, pawi khawih, politics vanga buaina namen lo leh khuarel chhiatna rapthlak tak tak chanchin thar ah kan hmu thin awm e. Tun hnai te ah pawh California ah US sipai bang rilru lama harsatna neiin silai in mi a pawng kah vak mai a, amah pawh inkap hlum nghal in mi dang 12 laiin an thih phah a ni.

Kan thupuia kan luh hmain tlem han sawi leh lawk i la: khawvela ram tam tak hi chu a pawn atanga en chuan ram tha pangngai ve tak anga lang nimahse a chhunga buai ru tlat an ni hlawm a, Sar thi(accident) an tam em avangin misual pakhat in mi pakhat a that tih vel mai mai chu ram thenkhat chuan eng hehu ah a ngai tawh lova, News ah pawh an lang pha meuh lo, chhiar tur a awm anih pawn mipui in an ngaihven teh chiam lo, tehkhin nan Malaysia ang te hi an ni.

Tun tuma kan tarlan tur erawh hi chu khawvela ram ralmuang ber berte zinga mi khawvel mawnga awm New Zealand rama thil thleng a ni.

New Zealand international Airport awmna Auckland khawpuia Nov. 9.18(tukin zing), dar 8:00am thil thleng niin South Auckland Mall ah pa pakhat a hming tarlan loh chuan nutling pakhat a fanu nena shopping kal chu manbetin chemte 12.5cm a sei nen a thrawk ah tin ranin a vau bet a. Lo hmutute chuan thu neitute phone nghalin minute rei lote ah police arm force an rawn thleng chawpchilh a, officer chuan misual chu a thlema thlemin minute 40 hnuah a hmim thei ta hram a ni. Police kutah a in pe a, van neih thlak takin pawi khawihna a thleng hman lo. Chutih rualin dawr pawn lamah silaimu pakhat chhar niin, Officer chuan he pawikhawihna nena inzawmna a neih loh thu a sawi.

He misual hi kidnapping case awrh tir a ni a, naktuk date 10.11.18 ah Manukau District Court-a hruai a ni ang. Police te chuan a chanchin leh nungchangte an zir chiang anga, zu leh ruihhlo(drugs and alcohol ) laka a fihlim leh hlim loh pawh en fiah a ni bawk ang.

Police officer chuan chemte nena vaubeh tuartu nu huaisen hi fakin, “kha tiang dinhmun hlauhawm leh thi thei hial a ni chung pawha chi-ai lo leh tal buai miah lova a hmachhawn thei kha a fakawm tak meuh a ni,” a ti

New Zealand chanchin

Kan sawi tawh angin New Zealand hi ram ralmuang tak leh khawvela ram Tha ah sawi hlawh pawl tak pawh a ni a, aramah hian misual leh mi thalo an awmlo hulhual ni lovin pawikhawihna lian tham a thleng khat em em a, tual thahna phei chu a thleng ngai zen zen lo a ni. Chuvangin Dan bawh chhiat emaw, thil sual pakhat khat ti an man chuan News Headline ah lan a awl hle a ni.

A tlangpui thuin, Police ten silai(pistol) an pai lo, a tul hunah erawh chuan arm force squads an nei tho. Eiruk leh hlemhletna laka fihlim ber ram a ni. Party tam tak zingah tuna rorelna chang mektu Labour Party leh opposition party lian ber National Party te hi an lar deuh ber. Labour Party hi kut hnathawktute leh harsa, rethei, pachhia, hmeithai leh parawl ten leirem an raha khaw eng an hmuh ve theih nan dinhmun hniam zawkte ham thatna tamtak siam a, tax pawh an phu tawk lek lak duhtute an ni. A pakhat zawk National Party erawh chu mi hausa leh thil titheite chauh hlawkna, retheite rahbeh duh party a ni.

South Island leh North Island awm in, north island hmar chhak lamah Auckland khawpui a awm a, chhim tawp ah ram sawrkar capital Wellington khawpui a awm. Hetah hian mizo chhungkaw 10 vel awm in, mizo member 40 chuang awmna Hill Church kohhran 2017 khan an din.

South Island lu ah Nelson City, Chin/zofate khawpui a awm a, halkha mi 600, tedium mi 70, falam chhungkaw 1, mizo chhungkaw 10 vel awm in Mizo Church of New Zealand (MCNZ), member 20 awmna kohhran 2018 ah din a ni bawk.

LEAVE A REPLY

Please enter your comment!
Please enter your name here