MMA Global Laksawng Peknak Ah Aung La In Laksawng Pahnih A Ngah Thei

0
224

2018 kum hrang Global Martial Arts Award pek fel a si ih Maynmar saphai Aung La N Sang in laksawng pahnih rori a ngah thei.

2018 Global Marial Arts Award ah laksawng 16 a um ih Aung La in laksawng pahnih la in laksawng 5 hrang rori nominees ah a tel thei.

Aung La ih laksawng ngahmi pahnih cu kum khat sungih puai thabik [Bou[Bout Of The Year ] le kum khat sungih misual thiambik [ Male Athlete Of The Year] an si.

Aung La in kum khat sungih misual thiambik laksawng ngah dingin 2018 kum sung ah mi vei 3 a sual ih a neh thluh thei. A taikhap kol lai mi rori mi pahnih in an cuh nan, neh veve in taikhap a humhim ih Light Heavy weight taikhal khal a ngah thei.

Tui kum sungah taikhap pahnih a la thei ih Middleweight champion taikhap sawn hi vei 2 rori a humhim thei zo.

Aung La cun ,” Laksawng ruangah ka lek lo nan laksawng pahnih ka ngah thei ruangah ka lungawi ngaingai. Laksawng ruangah ka lek lo nan hi laksawng hi leitlun huap ih theihpi mi a si ruangah ka lungawi in a ropi ka tituk. Himi laksawng ruangah phurrit ka neih phah ka zum lo ih phurnak pakhat in ka ruat a si ,” a ti.

LEAVE A REPLY

Please enter your comment!
Please enter your name here