Myanmar Ram Ah Uico Aa Nat In Mi 200 Hrawng An Thi

0
409

Myanmar ram sungah Uico Aa natnak ruangah kumkhat ahhin mipum 200 hrawng an thih thu Minhla peng Piytuh Hluttaw Palai Dr. Than Aung Soe in Pyituh Hluttaw ah simnak a nei.

January 23 Pyituh Hluttaw tonkhawmnak ah Uico Aa nat dem dingin department tinkim le ramsung ramleng pawlkom komkhawm in țuan tlang dingah Dr. Than Aung Soe in rampi acozah hnen forhfialnak a rel tel.

“Uico Aa nat hi a țihnung ngaingai, thilcang hnu a nat a lang cun tuamhlawm a ngah nawn lo, zatek 100 rori thih a si, thih hlan khalah nasazet in a nat tuar a si, Kahmua tiih kaehmi Uico Aa nat ruangah minute 9 sungah mi pakhat an thi, Asia le Africa ram ah a tam bik ih Myanmar ram sung khalah a tam, cazin famkim cu ngah a si lo na’n kumkhat ah mipum 200 hrawng an thi ti’n ruahnak a um” tiah Pyituh Hluttaw Palai Dr. Than Aung Soe in simnak a nei.

Uico Aa nat Rabies Virus ruangah a cang mi a siih cui Virus cu thluak thahri ah harsatnak mi a pe. Cui Virus neitu Uico Aa in mi a keu ngah cun minung ah a kai. Cui natnak ngah thok in zarhkhat, thlakhat hrawng ah a natnak a lang tiah theih a si.

“Uico Aa natnak a lang hnu cun tuamhlawm a ngah nawn lo, curuangah Uico Aa ih keu ngah pang tikah a keu ngahnak hmun kha tidai thiangte in satpia thawn kholh ding a si, cuihnuah nat hrik khamnak sii hnik ding, a hriamhma kha khawih lo ding, hmui a lut thei, curuangah hmui lut lonak sii dawh ding, Uico Aa nat khamnak sii dawh ding a si” tiah Dr. Than Aung Soe in a sim bet.

Uico keu tong ngah tikah hmui lut khamnak le Uico Aa nat khamnak sii dawh ding a siih Uico Aa ih keu tikah Uico Aa nat khamnak sii dawh hleiah sii dangdang tla dawh ding a si thu theih a si. Ref: AKT

 

LEAVE A REPLY

Please enter your comment!
Please enter your name here