Na Harhdamnak Ding Hrangah Aire Ei ringring aw

0
492

Aire na ei ringring asile na taksa hrangah ṭhathnemnak tampi a lo pe ding. India pawl tla cu an rawl ah aire rawi lo ti an nei dah lo. Aire hi an hmang ngaingai. Nitinten mal tete tal ei thei ringring asile a ṭha. Aire hi hlanlai ahcun hnipuan rawng hnihnak ah khal an rak hmang dah.

 

Aire hi mirang in Curcuma ti ih an kawh mi thingkung ihsin ra cang suak mi a si. Thing/ginger pawl thawn an bangaw zikte. Aire ih that zia pawl hi, a mangbang thlak ngaingai. Kan taksa hrangih a thatnak pawl tla cu,

1. Taksa thling ding a kham: Aire ih um mi Curcumin dat in a thling ding mi pawl a rak kham thei, taksa thling ṭheu pawl in nitin ei tengteng a ṭha.

 

2. Thluak hrangah a ṭha: thluak a mawlcet lonak dingah Aire in a bawm thei. Aire ih um mi compound in kan thluak ih hnaṭuan theinak a bawm thei. Mawlce/thu hngilh hmannak hi kan thluak ih BDNF (Brain-Derived Neurotrophic Factor) a mal ruangah acangmi a si ih Aire in BDNF ngah sal ding in a bawm thei.

 

3. Aire in cancer nat cang dingmi a kham thei: Aire dat in, thi cancer, dang/hrawk cancer, tivek a phunphun cancer pawl a kham thei. Asinan, ziangtluk in ei ding ti le ziangvek cekci tiang a kham thei ti cu an theifiang hrih lo. An zingzawi rero lai.

 

4. Pumpi lam a hah damter: Aire in, pum nuamlo pum naa ti vek a reh ter thei.

 

5. Lung harhdamnak hrangah a ṭha: Aire in thi sung ih a ṭhalomi cholesterol pawl a kham thei ih thihri sungih a bal um ding pawl khal a kham thei. Curuangah lung thihri pit ding khal a kham.

 

LEAVE A REPLY

Please enter your comment!
Please enter your name here