Nauhak Kum 4 Pawngsualtu Phungki An Kai

0
270

Thailand ram Kachanaburi ah nauhak kum 4 mi tualleng tlangkai cu kum 74 mi phungki pakhat in a pawngsual ruangah March 12 ah an kaih thu theih a si.

2016 November 15 le December 22 ah Dankhuhthu phungki tlawng ih thilcang mi a si. Nauhak cu amah lawng a um lai ah caan țha la tahratin phungki Brother Kawng Khun Di cun a pawngsual ruangah nauhak nute ih um dan cu a țhat lo tikah a nulepa cun thu an sut ih cutin theihsuah a si.

Nauhak nute ih pa cun palik zung ah a report ih phungki pa cu kai dingin phungki tlawng an vat tikah mi pawngsualtu phungki pa cu a rak tlanhlo zo.

Phungki pa cu kai dingah a liamzo mi kum 2 ihsin thusuah a siih 2019 March 12 zinglam suimilam 11:00 hrawngah Paholpolpayuhasena siizung hmaiah an hmu sal ih cutin kaih ngah a si.

Phungki pa cun palik pawlih thusutmi pakhat hman a letsal lo ruangah a kiang naite ih phungki tlawng ah hruai in a phungki thuamhnaw an hlihsak hnuah Sankhaburi palik zung ah an hruai thu theih a si.

Phungki pa cu kum 13 hnuailam nauhak pawngsualnak, kum 15 hnuailam nauhak pawl nulepa theih loih lem sawmnak pawlin thubuai an tuahsak tiah theih a si. Ref : PPL

 

LEAVE A REPLY

Please enter your comment!
Please enter your name here