Nu Le Pa Cawmtu Bik An Fapa Neih Chun Mi Nih Cun Vanchiat Nak A Tawng

0
948

A nu le pa hi an upa ve cang i lo lei riantuan kho an si ti lo. Rawl te hna cu an chuan khawh rih i inn chungkhar rian zong an tuah kho rih. Tlangvaal kum 24 tu i a hmanthlak kan langhter mi hi an i rinh chan bikmi a si. An fapa nih hin riantuan zuamlo a neilo i, zeipoh a nu le pa cawm nak ding ah taima te in a than tawn.

A tak cu tlawmpal te a rak thak i thak sawh mi ah a rel. Sii zong aa thuh lemlo. Thil kan i ei sual i kan taksa a vualmi bantuk hin a rak vual ciam mam i sifak ngai mi chungkhar an si tikah phaisa a khawn cia mi tlawmpal zong cu hmang sianglo in a nu le pa caah a chiah. Thla 3 a liam hnu cun a vun vialte cu an rocar dih i, rul bantuk in a um. Rian zong a tuan kho tilo, an inn chungtang lawngah cun caan a hmang hawi zong a kawm ngam ti lo.

An inpa chakthlang nihcun an neimi poh an pek ve hna i tilo le rawl lo cun an um ve lo. A hmanthlak le an chungkhar harsat ning cu Online ah bomh an hal piak i bawmtu zong an um len ve cang. Sizung lei ah vai zohkhenh ding cun phaisa tampi a herh caah an kut cungah phaisa neihmi an neihlo ruangah mah ti hin a in tuar chih ko.

Vun zawtnak phunkhat cu a si hrim hrim i nain, Doctor thiam mi fuh panh a si rihlo ruangah cun zei zawtnak set a si cu an thei ve lo. Phaisa nei cu si sehlaw, a vun a thok ka ah khan Doctor va fuh colh sehlaw cu mah tiang tiang hi a phan lo kho men. Sifah nak hi huat a va tlai dah! thawngpang laknak nih hin a ram min a langhter lo.

Ref: BTS

LEAVE A REPLY

Please enter your comment!
Please enter your name here