Nupa sinak hman lai ah mipa in nunau thihter ruangah kai

0
288

Zarhtesun (Jan 6) ah Thailand fala bar dawr ih hnatuan a thihnak thu thawn pehparin kum 25 ih upa British pa pakhat cu mizansun ah police pawlin an kai ngah tiah an puang.

 

Birmingham mi British pa Reece Blain Vella cu thihnak thlentertu timi dan thawn sualman pek a si. Police pawlin an zingzawi hnu ah Reece Blain Vella hi thihnak a tawngtu Thailand nu thawn umtlang netabik a si ti an thei suak.

Thihnak a tawngtu Thailand nunau Wannipa Chanhuathon, kum 26, hi British pa Vella thawn an umnak inn a bangaw ih Cosy Beach View Condominium ih um an si. Thailand nu hi pool (bualawknak) ah thi tamtak luangin lawngfangkheh ih tlu/it in sar a si. Amah cu himi Condo ih inn dot 5nak ah inn sangih um a si.

 

Condo ih security guard pawlin Wannipa (Thailand nu) hi an va sar ngah, an hmuh pekte ah cun a thi hrih lo nan, zianghman a thei nawn lo, CPR thawn an tuamhlawm rero nan, an khelh nawn loih cutin a hmun ah a thi.

 

Muang Pattaya police ih hotu bik a si mi, Pol. Col. Apichai Krobpetch in “Vella (British pa) in Wannipa (Thailand nu) thaw hin amai umnak veranda (balcony) ah nupa sinak an hman tlang lai ah fala nu hi a tla mi a si, tiah a sim” tiin a sim.

 

Cuti ih nupa sinak an hmantlang lai ih fala nu a tlak ruangah Vella hi a umnak inn ihsin peng 5 tluk hlatnak Eastiny Resort and Spa ah a va thawn.

 

Pawisak neihlo ruangih thihnak tiang thlentertu sualman cawhkuannak hi kum 10 ai ih tam thawngthlak le Thailand paisa 200,000 cawhkuan pek a si. News Around Thailand.

 

LEAVE A REPLY

Please enter your comment!
Please enter your name here