Office Ihsin Tlung Fala Cu A Tlangval Hlun In A Tuahmawh

0
208

Yangon ramțhen Thingangyun peng sung special clinic ih hnațuan hotu țuanvo kaitu fala cu a tlangval hlun in office a tlun caan ah motor thawn a pah hrim ih a tlun hnuah nam in a sah bet tiah theih a si.

Thingangyun peng sung Mih-chawng-kan țhen (3) veng ih on mi special clinic ah hohatu țuanvo la in hnațuantu S. Dagon peng (26) veng ih um fala Cheery Oo (kum 23) cu January 18 zaanlam suimilam 5:30 ah a hnațuanpi pawl thawn Yarthanar lamzipi par (16) lamzin kel motor hngahnak ih ke thawn an feh rero lai ah Tirihyarthanar lamzin thlen ah Mazda Demio phun motor in an dunglam in fala Cheery Oo cu a pah ih a tluk hnuah motor sungin suak tahratin a ken cia mi pihnih sau namtong thawn veikhat a sah bet tiah theih a si. Cuti nam ih sah cu fala Cheery Oo cun a kian ko na’n namhar hriamhma tuar in a um tiah palik ngan khumnak ihsin theih a si.

Hriamhma tuartu fala Cheery Oo cu Thingkanyun senpi siizung ah fehpi a siih thuhla zingzoi tikah a liamcia thla 4 lai ah rak duhaw zo an si. Cutiih an țhen-awk cu tlangval Win Min Thanh (kum 25) cu a lungkim lo ruangah atu bangtuk ih a tuah thu theih a si.

Mi tuahmawhtu Win Min Thanh cu a thuhla relsak dingah zung thlen a siih (ပ) 56/2019 yazatetgyi pukmah 307 in Thingangyun palik zung cun thubuai an tuahsak tiah palik ih tlangthannak ihsin theih a si. Ref: AKT

 

LEAVE A REPLY

Please enter your comment!
Please enter your name here