Pacang kum 30mi in nauhakte rapthlak zetin a pawngsual

0
326

Pago ramthen Pago khawpi Kamanat khua ih nauhak nute kumthum le thlali mi cu an sualpi tiah theih a si.

December 21 sundir 1:00 hrawngah Pago khawpi Kamanat veng (8)nak ih um (hmin tarlang lo) ih tunu kumthum le thlali mi cu inn ih amah te a lek rero lai ah an innsung ih nitin lutsuak theu a pupa (hmin tarlang lo mi ih sungkhat) cun nauhak nute cu Hti-Yo-Kan pathian biaknak puai ah feh dingin a hruai thu palik pawl hnen ihsin theih a si.

December 22 sundir 1:00 tiang ah nauhak nute cu inn lam tlunpi a si nawn lo ruangah hmin langter lo mi nu cun a fapa lailak le nupi nu pawl an pathian puai ih an feh tikah nauhak nute cu Win Ko timi pa ih kawng parah tap phah in a rak to an hmuh thu palik ih hminsinnak ah an langter.

Hmin langter lo mi nu cu an mo in a tunu cu Win Ko timi pa in December 21 zaanlam ih a sualpi ruangah a zahmawh a siat ih thihnai a suah thu phone thawn a sim tikah nauhak nute cu inn ah hruai tlung in hmin langter lo mi nu cun a taksa a rak zoh ih a hlan vek siloin a zahmawh a tlek ruangah palik sakhan ah feh tahratin thuhla a va sim.

Nauhak nute sualpitu kum 30 mi Win Ko timi pa cu Pago palik zung in (ပ) 2316/2018, yazatetgyi pukmah 376, 323 thawn thubuai an tuahsak. Sualpit tuartu kumthum le thlali mi nauhak nute cu Pago siizung ah tuamhlawm rero a si thu cui palik zung ihsin theih a si. Ref: Bago Weekly Journal

 

LEAVE A REPLY

Please enter your comment!
Please enter your name here