Paletwa Peng Kaladan Tiva Ah Lawng A Kang

0
206

Chin ramkulh Paletwa peng Te-ma-wa khua kiangah tuizing March 16 suimilam 7:00 hrawng ihsin Myanmar ralkap le Arakan Army (AA) an kap aw ih Te-ma-wa khua kiang Kaladan tiva ih MV Yatharnar tiih hmin pekmi Jet Lawng pakhat a kang tiah mit ih hmutu khuami pakhat in simnak a nei.

Paletwa peng Na-mah-da khuami pakhat in “tuizing ka mi theih rualpi pawl Na-mah-da ihsin Kyaukdaw lam ah Honda cet Lawng fate in banhla phur in an feh, cutin an feh vivo ih Te-ma-wa khua kiangah meithal kap awn an thei, cuihnuah Jet Lawng pakhat a kang khal an hmu, curuangah feh tlang ngak nawn loin an ra kirsal” tiah a sim.

Atui thilthlennak hmun hi Kyaukdaw le Paletwa karlak Te-ma-wa khua kiangte Mi-wa kiang a si tiah khua mi pakhat in a sim. Lawng kang mi hi Kyaukdaw ihsin Paletwa lam ah a ra fehmi Jet Lawng a si tiah theih a si.

“Tuizing suimilam 9:30 hrawng in meithal kap awn veihra hrawng kan thei, cuihnu a rei hlan ah Kaladan tiva parih a feh rero mi Lawng pakhat a kang, khua ih tiva kap ihsin kan hei cuan, zohman in zianghman tuah ngam a si lo” tiah Te-ma-wa khua mi pakhat in simnak a nei ve. Ref : NRJR, Khonumthung

 

LEAVE A REPLY

Please enter your comment!
Please enter your name here