Part 2 (2019 Ah Nangmah Le Nangmah, Lo Theih Lo Ih Na Suhawk Ding Mi Thusuhnak Pawl)

0
274

Kum thar ti mi cu Calendar pakhat cu a hlun zo ih Calendar thar pakhat thleng men tiah na ruat pang maw? Cutin na ruah cun na ti sual riai.

Kum thar ti mi cu mi pakhat ih thinlung tak thawn nun dan țha sin ih thinlung thar, mi thar in zuam thei ding ko thazang mi petu caan sunglawi a si.

Cu cun, nangteh kum thar ah zuam nasa ding in na ruataw maw? Cutin na ruat asile, a hnuai ih kan run tarlang ding mi thusuhnak pawl hi phi sin aw.

10. Tu ah mi pakhat khat na ngaithiam ding lo ti bang sehla, zo bik na ngaithiam ding? 11. Tu fang ah lo ti hlimtu cu ziang a si?

12.Na duhdawt mi pawl thawn nan pehzomawknak ah ziang mi ruahnak na tan ta?13. A tawi zet mi hringnun (Life) ah ziangmi si thin sau ten na hngah thei lo mi?

14. Ziang mi in a lo ti țih? 15. Nan nun sung na hngilh thei lo ding mi cu ziang a si?

16. Na beisei ring ring mi cu ziang a si? 17. Caan a feh (liam) cak zet ti hi ziang mi in theihternak a lo pe?

18. Milai zaten an thih hlan ih sim ding mi țongkam (thu) cu ziang a si na zum? Hi mi thusuhnak pawl hi mi dang theih ih sim a țul cuang lo. Nangmah lawng, na thinlung le na ruahnak in sawn (phi) aw.

Hi thusuhnak pawl hi thuk zet in ruat ih na phi asile, 2019 kum thar hrang na thinlung ah zuam duh sinsinnak a si ding ih hrial ding nun dan, somsoh ding mi nun dan pawl na thei fiang sinsin ding.

Source : GanDaWin Magazine

LEAVE A REPLY

Please enter your comment!
Please enter your name here