Pastor Pakhat Cu An Video Games Ruang Ah A Fa Pa Nih Hringtu A Nu Cu A Thah Ti Kha A Theih I “Kan Ngaihthiam” Tiah A Ti

0
435

Daniel Patrict kum 16 lawng a si mi pa nih Hringtu a nu cu a thah i, a pa zawng a hliamh. Cu hnu ah a zam i, Xbox ‘Halo 3’ zawng ai tlik pi chih.

A pa Mark Patrict hi Wellington ah Life Assembly of God i Pastor riantuan mi a si i, a chim ning ah cun, “Ka nupi ruang ka hmuh tik ah hian ka thing a hung tuk. Hi bantuk mah hringtu anu hmanh a that duh mi fa ka ngeih hi ka ruah tik ah ka huat tuk, thah tiang in ka duh.” tiah a ti.

Nain Jesuh nih vailam cung in a chim mi bia ‘Ka pa ngaithiam hna zei an tuah kha an hngalh lo ca a si’ a ti mi bia kha ka theih tik ah ttah bu in Bawipa sinah ka fa ka ngaihthiam khawh nak hnga thla ka cam. Bawipa aw ka theih mi cu, ‘Na ngaihthiam khawh nak lai lungthin a thawng mi kan pek ti mi hi a si i, cu bak cun ka fa hi a sualnak ah ka ngaihthiam cawlh “a ti.

“Daniel patrict hi a zam tik ah Halo 3 games kha ai tlik pi ti kha ka theih i, hi ruang ah hin hringtu a nu zawng kha a thah nak a si lai ti kha ka theih “tiah a chim. Cu caah America ram chung mino vialte nih hi bantuk Video games tha lo hi an tuah nak hngalo Campaign a tuah cawlh.

“Ka fa hi Video games celh a lem(addicted) ruang ah hi bantuk thih nak tiang hi kan phanh nak a si.” tiah a nawlh. Daniel Patrict hi kum 23 chung thong tla ding in bia an chah i, Ni chiar te a pa nih thong chung ah a tlawn leng mang ti si.

Source: Dailymail.com

LEAVE A REPLY

Please enter your comment!
Please enter your name here