Phung Chim Tu Mi Pa Pakhat Nih Hngakchia Pa Te A Tang Nih A Fak Tuk In A Velh Nak In A khamh Hnu Ah Siang Kai Nak Caah Bawmh Nak Scholarship A Tuah Piak

0
573

The Delta State Speaker Rt. Hon Sheriff Aborevwori nih hngakchia kum 13 te a ttang nih fak tuk in a tuah to lio cu a chanh i, hi hngakchia te dirhmun a theih tik ah a zangfak tuk i, University a kai tiang bawmhnak a tuah piak pin ah tha nuam te in a um khawhnak lai a herh mi poh tuah piak a timh.

Kan hnu Zarh Sunday ni ah khan Rt. Hon Aborevwori hi pumh a ban pah khin Obsudy Community lamka ah mi an ai len thawng a theih i, rian rang in a va kal tik ah Master Chigozie tiah auh mi pa te cu a ttang nih a rak velh len kha a hmuh. Cu tik ah mi pa te cu a ttang kut in a chanh. Hi lio hin Community Youth Chairman pa a rak um ve i, Chigozie vel tu pa cu a rak tleih ve i, Police sin ah a kal pi cawlh.

Community Youth Chairman pa chim ning cun, “Chigozie hi a ttang le a nupi nu nih hin an tuah tamh ning a tha bak lo, inchungkhar rian vialte an tuah ter hnu ah, Siang zawng phiat ter an timh.” tiah a chim.

A hmu tu cheukhat pawl chim ning cun, Mr. Akpa le a nupi nih hin, hi hngakchia te hi rian har a tuah ter dih pin ah thil tiang an zuar ter i, an tuah to ning hi a fak tak tak “an ti.


A ttang le a nupi nih an velh ning hi a fah tuk ruang ah Chigozie hi dir zawng a dir kho lo i, Rt. Hon Aborevwori nih hin a zangfah tuk caah zohkhenh a hal hna i, Aborevwori foundation Scholarship/ Busary Committee Chairman Mr. E.E Onoksaka sin ah University tiang a cawn khawhnak caah Scholarship a hal piak.

Ni ngani( friday) khan Rt. Hon Aborevwori nih Sizung ah a va zoh i, Doctor le Nurse pawl zawng nih tha te in an rak zohkhenh i, dam te in a chuak kho hrim hrim lai tiah an vun chimh.

Cu lio ah a vel tu pa Mr. Akpa bel te Orerokpe Police zung ah a tuah mi thil ruang ah heh tiah ngaihthiam hal in a khup a rak i bil ve ti si.

LEAVE A REPLY

Please enter your comment!
Please enter your name here