Phungki In Nunau A Pawngsual

0
769

Yangon ramțhen Taihgyi peng ah kum 60 mi phungki cun a hnațuannak phungki tlawng ih ra riaktu nunau a pawngsual tiah theih a si.

Thilthlen dan cu Taihgyi peng ukpansuh veng Karen hmuan Damah Ziktha tlawng ih hnațuantu phungki (sayadaw) U Di Pa Won Tah @ U Tin Win (kum 60), service caan (kum 40) cun February 13 zaan suimilam 10:00 hrawngah cuihmun ih pasal thawn a ra riaktu kum 19 mi nunau (nupinu) cu a taksa kham hmet dingah ko tahratin a pawngsual tiah theih a si.

Culai ahcun a pasal cun an nu cu a hawl ih phungki pai’ ihnak room ahcun an cang buai lai a va hmuh thu palik hnen ihsin theih a si.

“Himi riahnak tlawng ahhin innsang 4 an riak, cui sungah neih-awknak a rei hrih lo mi pawngsual a tongtu tei nupa khal an tel, hi thilthlen zaan hi phungki pa (sayadaw) in a ihnak room ah pawngsual tongtu cu a hruai ih a taksa kham hmetter in a pawngsual tin zungah thuhla an rak thlen” tiah Taihgyi palik zung ih țuanvo neitu in simnak a nei.

Hi thuhla thawn pehparin phungki U Di Pa Won Tah @ U Tin Win (kum 60) cu kai tahratin a hnațuannak angki an hlitsak hnuah mi menmen angki hruter in Taihgyi palik zung cun (ပ) 209/2019 yazatetgyi pukmah 376 in thubuai (case) an tuahsak tiah theih a si. Ref: AKT

 

LEAVE A REPLY

Please enter your comment!
Please enter your name here