Pound 300 laia rit chuan a bialpa țhut hlum der

0
1109

Pennsylvania State, U.S.A-a khawsa Wendy Thomas (kum 44) pound 300 laia rit a ni. A bialpa Kino Butlar, pound 130 chauhva rit chu ruih luat vangin a țhut hlum der a ni awm e.

Thawhțan zan kal ta mai khan an pahnih hian Wendy-i inah wine an in dûn a. An ruih fe hnuah inhau buaiin kut an inthlak ta hial. Wendy hian dawnkan donain a vua a, Kino hi theihtawpin insaseng tum ve mah se Wendy hian a man bet tlat a, a hnuah chuan a țhut ta nghek mai a ni awm e.

Chutianga pound 300 laia ritin țhut bet ta nafam chu Kino hi a thaw thei tawh lo va, a thih phah ta a ni ber mai. Wendy hian a thil tih hi a inhriat chhuah meuh chuan a lo tlai tawh, a lo thi fel der tawh.

Wendy hian police a call a, a bialpa a tihhlum der thu a hrilh a ni. Police an va thlen chuan Kino chu thisen nen a lo inchiahpiah nuaih a ni. Wendy hi amah a inpuan avangin kum 18-36 thleng jail tang tura man a ni.

LEAVE A REPLY

Please enter your comment!
Please enter your name here