Ralkap Pawl Meithal Kah Ruangah Khuami 7 Nasazet In Hriamhma An Tuar

0
272

Rakhine ramkulh Mrauk Oo khawpi ah Myanmar ralkap pawl cun mizaan March 18 suimilam 7:32 ihsin meithal an kap thok ih khuami minung 7 cu an hriamhrei cerek in a ngah ruangah nasazet in hriamhma a tuar, inn pakhat khal a kangfai tiah theih a si.

Khawsung ih um Ko Naing Naing in “Zuahawngțaw khua ihsin minung 6 hriamhma an ngah, ralkap in an duhnak hmun an kap ih minung umnak inn pakhat khal an ngah, ralkap ih kahmi a si, ziang battalion timi cu kan thei lo, bomb in minung umnak inn a ngah, a hmaisa ahcun Mrauk Oo peng zuahawngțaw pura ihsin kahmi a si ding ti’n kan zum, ku-tawng pura ihsin khal an kap, zuahawng thlanglam ah hlanlai pura pawl an um, cutawk in kahmi a si ding tin kan ruat, zianghman thuhla um loih an kahmi a si, AA an um maw, um lo tiah an zumnak hmun an duhduh in an kap si ko ding tiah kan zuk, zianghman thuhla um lo rori’n an kap mi a si, zianghman a pehpar lomi rori an kap mi a si” tiah a sim.

Hriamhma tuartu pawl cu Zuahawngțaw khua ih U Maung Win Yi le an nu Daw Yin May, U Hla Shwe Maung le Daw Saw Mya Than, nauhak pahnih Moe Nuai le Yi Nuai an si. U Hla Shwe Maung ih inn cu bomb a tlak ruangah a kangfai thluh tiah theih a si.

U Maung Win Yi ih hriamhma cu a nasazet, siibawi in tuini altosound an la ding tiah mizan ih hriamhma tuartu pawl siizung ih fehpitu Myo-oo-khawng sayadaw in a sim.

Cerek cu ruahsur vek si ko, Yangon – Sittwe lamzinpi ah feh phahin an kap vivo, tlangpar ihsin khal an kap, khuami pawl cu thinphang in khur sungah an relh, Mrauk Oo khawpi Aleyi veng Vuan-di uksuh ih U Sein Too ih nupi kum 51 mi Daw Thein Thein cu coka kiangih a relhnak hmun ah bomb a tla ih cui bomb puak ruangah hriamhma a ngah tiah theih a si.

Mrauk Oo khawpi ih um U Maung Kyaw Zaw in “zianghman do-awknak a um lo, Mrauk Oo kiangkap tlang pawl ah ralkap pawl hmun an khuar, meithal le bomb khal an keng tiah kan thei, kan dung ninga ni ah veikhat an kap zo, khawpi ih nisuah nitlak sak le thlang velsuak in meithal le bomb puak awn kan thei, ralkap pawl hi ziang an tuah ti kan thei lo, meithal an kap, bomb an deng, pura kiang khalah a tla, khawsung ih tla khal a um, meithal kah awn cu a tampi, cerek thlun aw ih an kahmi awn a si, a lakah bomb tla vei 10 lai an puakter kan thei” tiah a sim.

Ziang duhsan in an kap ti kan thei lo, anmahte an kap mi men si ko ding tiah kan zum, kan dung ninga ni khalah an kap ih khuami pawl cu khuihman suak vak ngam loin innsung ah an um thluh tiah a sim bet.

Hi thuhla thawn pehparin thusut dingah Mrauk Oo pengpi, peng hotu, peng palik zung pawl pehpar rero asina’n phone an kai lo. Source : NRJR

 

LEAVE A REPLY

Please enter your comment!
Please enter your name here