Rampi Thantar upatlo, ziangih siarlotu pawl cawhkuan pek ding thu cozah in ralrinnak pe

0
389

Myanmar: Rangon ramṭhen cozah bawi cun, ramsung ih Cinema (Zuksin) zung pawl ah rampi thantar upatnak pe ringring dingin cozah lam cun thusuahnak an tuah, tiah thuthang theih a si.

Tuisun ih tuahmi Hlutdaw meeting nak ah, Cinema zung pawl ah rampi thantar upatnak pe loih, rak to huahhi men, rampi thantar ziangih siarlo pawl an um ruangah hipawl hi cozah in ziangtin kan tuah pei tiah, hlutdaw palai U Moe Myint cun thusuhnak a phawrhsuak.

U Moe Myint cun, Cinema zungah rampi thantar upatnak pek dingih zapi din tikcu ah rak ding velo in thantar upatnak pe loih rak to men pawl le ziangih siarlo pawl hi, kan rampi dun le dan khal an upatlo tinak a si ko, tiah a sim bet.

Kum 2010 ah Myanmar cozah in rampi thantar hrangih dun le dan an tuahmi ah “Rampi thantar upatlo le ziangih siarlotu, rampi thantar meisa thawn urkang tu asilole thlektu tipawl an um asi ahcun kum 3 sung thawngthlak asilole Ks.300,000 (ting thum) cawhkuan pek, asilole apahnih ih cawhkuan pek ding” tiah dan an rak tuah.

 

LEAVE A REPLY

Please enter your comment!
Please enter your name here