Round Hnihnak Ah Ka Thawng Thlu Ding : Salai Tial Thang

0
889

Ka zuammi pa cu round hnihnak ah ka thawngthlu ding tiah Salai Tial Thang in simnak a nei.

“Ka zuam dingmi Cambodia lek thiam Rin Saroth cu round hnihnak ah ka thawngthlu ko ding, keimah le mah khal ka rin aw, ka zuam dingmi pa ih mi sual dan zingzoi uh, a leknak a tampi ko, kei hi America buan le Brazil mi thong thawn ka zuam ding” tiah Salai Tial Thang in simnak a nei.

Aung La N Sang ih zirhmi Tial Thang le Aung La N Sang cu an lek dingmi thuhla ah tuini February 15 ah online media pawlin tonsuhnak an nei.

Tial Thang hi Aung La N Sang ih zirhmi a siih MMA ah tel thei dingin 2016 ihsin nasazet ih rak zuamtu a si. A ralai dingmi March 8 ah Tuhwanah leknak Yangon ahcun hmaisabik MMA ih One Championship Reign Of Valor cuh aw dingin Cambodia rammi Rin Saroth thawn an lek ding.

“Ka lungawi tuk, one championship ih hmin ka khen ngah hrimhrim hi ka lungawi, ka lungawi hleicenak cu ka suahnak ram rori ah hmaisabik ka lek ding hi ka lungawi, ka lungawi tuknak ah ziang ka țong ding ti ka thei lo” tiah Salai Tial Thang in simnak a nei.

Salai Tial Thang hi Aung La N Sang in thlakhat ah niruk a zirh ih Jujitsuh, buan, ke cangvaih dan pawl nasazet in a zirh.

Salai Tial Thang cu fate pahnih nei in atu hi American ah um hmun khuarmi a si. Ref: Mizzima

 

LEAVE A REPLY

Please enter your comment!
Please enter your name here