Selena Gomez Lam Chungchang Sawia Thu Hriat Nuam Lo Ka Nupui In Thawn Hi Duh Tawk Rawh U Tiin Justin Bieber An A Nupui A Chhan

0
523

Mipa tak in a tawp a tawp ah chuan Justin Bieber chuan a nupui Hailey Bieber chu Haters te hma ah a rawn chhan ve ta.

Justin Bieber hi Hailey nen an inneih hnu atang hian thawm eng eng emaw neuh neuh an nei ve reng a, Selena Gomez nen lah an chungchang a reh hlen thei tak tak lo. A nupui Hailey hian Fans thenkhat tena thu dengkhawng tak taka an tawngkhum thin te chu pachang takin a paldai zel a tawngkam pawh a nei ve ngai lem lo. Mahsela a pasal Bieber zawk chuan a tuar thei ta ngang tawh lo.

Fan Account jaileyisajoke tia username hmang chuan Hailey hi nasa thei ang ber in a chhuah. Justin hnena hrilh ni awm tak in “Hailey hi i hmangaih tak tak lo. Selena nena in inkawp leh theihna tur a nei mai chauh i ni. Hailey hian mipa dang heng Shawn Mendes te pawh hi a lo mut pui tawh a a Racist bawk” tiin zaithiam Shawn Mendes nena mu dun tawh ang ten a sawi.

Hetah tak hian Bieber chu a rawn sa chhuak ta nghal phat. A puitlin loh thlak a Account hi ka nupui sawichhiatna tur zawng a siam hrim hrim i ang, a mawihnai lo khawp. Inneihna hial hmang chu eng vangin nge ka ex. hnen kir leh nan ka hman ang a. Kum 10 nge chu ai zawka naupang i nih aw. A chhan chu tiang thil ngaihtuahna hi a puitlin loh thlak a zak hle ang che tih te in a chilh hrep.

Selena Gomez chu a thinglung atang a nawtreh fel lo tih pawm a pawm. Mahsela a nupui vawn a hmangaihna a dawm chu a tih tur a ti. Tunhma in tiang thil sawi ri hi a hre nasa a mahse chhan tin ah a tin lo a chhang tur pawn a peih buai lem lo. Tun hi midang rilru tha lo tak tak pu a chhanna tih a sawi nghal nghe nghe.

Selena nen kir leh tura an duh thu leh atan a mi tha ber a ni tih an sawi te chu a nupui tan hian ri hriat nuam a nilo. Tun chin ah tiang thil hriat hrehawm hi a nupui hnena thawn tawh lo turin a ti a Hailey duh lo a thlawp lo a piang chu amah pawh an thlawp lo a a fan pwh an nilo tihna a ni tiin tawngkam mawi i chhak chhuak theilo a nih chuan ngawi chip cham rawh a ti ta hmak mai.

Paper Magazine, CFM

LEAVE A REPLY

Please enter your comment!
Please enter your name here