SKIN CANCER A HLAUH LUAT A VANGA A CHUNGA THIL THLENG HI

0
1371

Cancer vei te chu tu te pawh in kan hlau vek ang chu. Mahsela vei hlauh luat avanga mahni thu a eng eng emaw lo inchawh ve chiam hi a fuh ber lo. Thenawmpa/thenawmnu in a tha a tia tih vanga lo tih ve thawt thawt pawh a tha chuang ringawt lo.

Mi thenkhat in an ngeih viau lai khan nang erawh chuan i ngeih viau lo thei. Mahni thu a rem in tih hriat leh lutuk na hian a chhe zawk a thlen chawk a, mithiam te rawn hmasa phawt a, a hnua an thu khawchang a zirin tihin tih loh tur a ni zawk.

Hmeichhe pakhat a hming tarlan loh pawh in midang ten an hmang sup sup a, a tha alawm. Engmah nghawng a nei lo tiin a lo hre thawi nge ni dawn ni Skin Cancer a hlauh luat vangin Herbal Treatment a nei ve teh ngawt a, chu a thil tih vang chuan dinhmun chhe zawk ah a ding ta.


A bul ber ah chuan a hnar leh a chal ah Red Spot te tak te hi a awm a, hetia Red Spot awm tak ah chuan Skin Cancer a vei hlau in damdawi a pawn lama ‘black salve’ tia inziak chu a hmang ve ringawt.

A thatpui dawn emaw a intih laiin a thatpui awzawng der silo. ‘black salve’ chuan ser rapthlak a hnuchhiah ta zawk a. ‘black salve’ hian a hmai vun tha chu ei chhe zel in a tawp ah chuan thil kua (hole) lian pui a hnuchhiah a, piangsual angin a chhuah phah ta ringawt mai.


‘black salve’ an tih hi khuvang leh ser vel atan an hmang thin an ti. alternative skin cancer treatment ah tiin sawi a awm leh a, chu chu he nu pawh hian a awih ve a ni ngei ang. Mahsela U.S. Food and Drug Administration chuan Black Salve hi fake cancer treatment tiin an sawi a, hetiang a dik lo taka hman thin chu an do hle.

He nula hian a chunga thil thleng chu World’s Greatest Medical YouTube channel ah Video in a tarlang a, maktaduai 3 chuang in an en tawh. Surgery neiin a hnar vel hi a siam that tir ta nge tih hriat zui a nilo. Thil hrechiang lova tih thawt thawt thin hi thil tha a nilo a, nang pawh hetiang kawng ah hian i lo fimkhur nasa dawn nia. Thenkhat ten a tha tia an sawi vang ringawt a lo tawng pawng paw zuam ve thawt thawt kha a hlawk lem lo.

Dailymail

LEAVE A REPLY

Please enter your comment!
Please enter your name here