Social Media Vangin Nupui Chuan Khawvel A Chhuahsan

0
2756

Social Media hi kan tun hun hman mek ah chuan hmanloh chu a zahthlak lam a ni tawh. Chutih lai reng chuan kan hman dan ah a awm tawk leh chin tawk kan hre tur a ni.

Social Media vanga nunna chan hriattur tam tak an awm a, an awmbelh zel bawk. Chhiartu te hnena ka sawi duh chu nupa nih tawh hnua Social Media a tam lutuk hi nupa inkara inhauhna thlen tu a ni pha thei fo.

East Kalimantan, Indonesia a mi Arniati (kum 22) hian a pasal hnen atanga zilhna a dawn chu huat ah a la a, an nupa kar ṭha lo chho chuan a tawp ah thihna hial a thlen phah ta a, ama duhthlanna ngeiin zamual a liam phah.

Thingtlang khua Paret River, Penajam District ah an cheng a, Arniati hi Social Media hmang uar tak a ni ve a ni tih chu a chiang reng. A pasal Sujaedi chuan a nupui in Social Networt lama a hun tam zawk hmang leh lutuk chu a em em a ti ve deuh ta ni tur a ni. Arniati chu Facebook khawih tawh lo turin a ti.

An nupa kar a ṭha lo chho hle a, an inhau a, an ṭhenawm te pawh chuan an in hau thawm chu an hria. A pasal in Facebook khawih a phalsak loh vang hian Arniati chuan ama nunna ngei chu a la. A WhatsApp Status ah chuan a intihhlum tur thu hi a tarlang a, a chhungkua te chung ah a thil tih vangin ngaihdam a dil nghal. Status a pasal in a han hmuh meuh chuan room ah chuan a nupui Arniati chu a lo inkhaihlum der tawh.

WOB

LEAVE A REPLY

Please enter your comment!
Please enter your name here